तुळजापूर (प्रतिनिधी)- चिकमहुद, ता. सांगोला, जि. सोलापूर येथील भाविक शहाजी रामचंद्र जाधव हे आज सकाळी सपत्नीक श्री तुळजाभवानी देवींच्या दर्शनासाठी आले होते. देवीच्या दर्शनानंतर जाधव दांपत्याने भक्तिभावाने श्री तुळजाभवानी देवीच्या चरणी 7 लाख 27 हजार रुपये किमतीचे, 51.540 ग्रॅम वजनाचे सोन्याचे मंगळसूत्र अर्पण केले.
या प्रसंगी श्री तुळजाभवानी मंदिर संस्थानच्या वतीने जाधव दांपत्याचा यथोचित सन्मान करण्यात आला. मंदिर संस्थानतर्फे त्यांना श्री तुळजाभवानी देवींची प्रतिमा व महावस्त्र भेट देऊन गौरव करण्यात आला. यावेळी सहायक धार्मिक व्यवस्थापक अमोल भोसले, राकेश पवार तसेच श्री तुळजाभवानी मंदिर संस्थानचे कर्मचारी उपस्थित होते.