तुळजापूर (प्रतिनिधी)- तिर्थक्षेत्र तुळजापूर येथे तुळजाभवानी मातेचा शाकंभरी नवरात्र महोत्सव रविवार, दि. 28 डिसेंबर 2025 पासून आरंभ होणार आहे.
हा पवित्र उत्सव पौष शुद्ध अष्टमी ते पौर्णिमा (दि. 28 डिसेंबर 2025 ते 4 जानेवारी 2026) या कालावधीत अत्यंत उत्साहात आणि पारंपरिक पद्धतीने साजरा होणार आहे. शाकंभरी नवरात्र उत्सवापूर्वी देवीची पारंपरिक मंचकी निद्रा शनिवार, दि. 20 डिसेंबर 2025 रोजी रात्रीपासून सुरू होणार आहे. शांकभरी नवराञ उत्सवातील भक्तांच्या विशेष आकर्षणाचा सोहळा “जलयात्रा” बुधवार, दि. 31 डिसेंबर 2025 रोजी सकाळी संपन्न होणार आहे. शाकंभरी पौर्णिमा शनिवार, दि. 3 जानेवारी 2026 रोजी असुन, या दिवशी घटोत्थापन, पूर्णाहुती, व रात्री पारंपरिक “जोगवा” सोहळा पार पडेल.
धार्मिक कार्यक्रमांचे वेळापत्रक
28 डिसेंबर (रविवार) पौष शुद्ध 8 देवीची सिंहासनावर प्रतिष्ठापना, घटस्थापना, ब्राह्मणास अनुष्ठान वर्णी, रात्री छबीना, 29 डिसेंबर (सोमवार) नित्योपचार पूजा, रथ अलंकार महापूजा, रात्री छबीना, 30 डिसेंबर (मंगळवार) मुरली अलंकार महापूजा, रात्री छबीना, 31 डिसेंबर (बुधवार) “जलयात्रा”, शेषशायी अलंकार महापूजा, रात्री छबीना, 1 जानेवारी 2026 (गुरुवार) भवानी तलवार अलंकार महापूजा, अग्नीस्थापना व रात्री छबीना, 2 जानेवारी (शुक्रवार) महिषासुर मर्दिनी अलंकार महापूजा, होमहवन आरंभ, 3 जानेवारी (शनिवार) शाकंभरी पौर्णिमा, घटोत्थापन, पूर्णाहुती, रात्री जोगवा, 4 जानेवारी (रविवार) नित्योपचार पूजा, दुपारी अन्नदान, छबीना समारोप.