परंडा (प्रतिनिधी)- समाजातील विषमता नष्ट करणे तळागाळापर्यंत शिक्षण पोहोचवणे हे ज्योतिबा फुले यांचे ध्येय होते.महाराष्ट्रातील एक सामाजिक कार्यकर्ते, विचारवंत, जातिविरोधी समाजसुधारक आणि लेखक होते. सामाजिक प्रबोधन,अस्पृश्यता व जातिव्यवस्थेचे निर्मूलन, आणि स्त्रियांना व मागास जातीच्या लोकांना शिक्षण देण्याचे कार्य त्यांनी कार्य केले असे प्रतिपादन महाविद्यालयातील सांस्कृतिक विभाग प्रमुख डॉ.शहाजी चंदनशिवे यांनी क्रांतीसुर्य महात्मा फुले यांच्या पुण्यतिथी निमित्त आयोजित केलेल्या कार्यक्रमात उपस्थित कर्मचाऱ्यांना मार्गदर्शन करताना केले.
शिक्षण महर्षी गुरुवर्य रा.गे.शिंदे महाविद्यालय परंडा येथे शुक्रवार दि.28 नोव्हेंबर 2025 रोजी महाविद्यालयाचे प्राचार्य डॉ.सुनील जाधव यांच्या नेतृत्वाखाली आणि महाविद्यालयाचे उपप्राचार्य डॉ. महेश कुमार माने यांच्या अध्यक्षतेखाली महात्मा फुले यांच्या पुण्यतिथीचा अभिवादन कार्यक्रम आयोजित करण्यात आला होता.याप्रसंगी महाविद्यालयातील उपप्राचार्य डॉ.महेशकुमार माने प्रा.विलास गायकवाड यांच्या हस्ते प्रतिमापूजन करण्यात आले. महाविद्यालयातील सांस्कृतिक विभाग प्रमुख व राष्ट्रीय सेवा योजना विभाग यांच्या वतीने सदर कार्यक्रमाचे आयोजन करण्यात आले होते.
यावेळी महाविद्यालयाचे उपप्राचार्य डॉ.महेशकुमार माने कार्यालयीन अधीक्षक श्रीमती पद्मा शिंदे, सांस्कृतिक प्रमुख डॉ.शहाजी चंदनशिवे प्राणिशास्त्र विभाग प्रमुख डॉ.अतुल हुंबे ,अर्थशास्त्र विभाग प्रमुख डॉ.अरुण खर्डे ग्रंथपाल डॉ.राहुल देशमुख डॉ.सचिन चव्हाण,रसायनशास्त्र विभाग प्रमुख डॉ.अक्षय घुमरे, हिंदी विभाग प्रमुख डॉ.बाळासाहेब राऊत, वाणिज्य विभाग प्रमुख डॉ.संभाजी गाते ,राष्ट्रीय सेवा योजना विभागाचे कार्यक्रमाधिकारी प्रा.जगन्नाथ माळी प्रा. संतोष काळे प्रा.प्रताप घुटे प्रा.अनंत अनुभुले यांच्यासह कनिष्ठ वरिष्ठ विभागातील प्राध्यापक शिक्षकेतर कर्मचारी उपस्थित होते.कार्यक्रमाचे आभार कार्यक्रमाधिकारी प्राध्यापक जगन्नाथ माळी यांनी मानले.