धाराशिव (प्रतिनिधी)- येथील राष्ट्रमाता जिजाऊ चौकात शिवसेना नगरसेवकपदाच्या सर्व 21 उमेदवाराच्या प्रचारार्थ जाहीर सभेचे आयोजन धाराशिव जिल्हा शिवसेना यांच्यावतीने करण्यात आले होते. धाराशिव नगर परिषदेच्या सार्वत्रिक निवडणुकेच्या प्रचारार्थ महाराष्ट्र राज्याचे परिवहन मंत्री तथा धाराशिव जिल्हयाचे पालकमंत्री प्रताप सरनाईक व धाराशिव जिल्हा संपर्क प्रमुख राजन साळवी यांची जाहीर सभा धाराशिवात संपन्न झाली.
धाराशिव जिल्हा संघटक सुधीर पाटील यांनी आपल्या प्रास्ताविकात मंत्री साहेबांच्या आशीर्वादामुळे आम्हाला ताकद मिळाली असून अधिक जोमाने आम्ही करू, असे आश्वासन त्यांनी दिले. त्यानंतर धाराशिव जिल्हा प्रमुख सुरज सांळुके यांनी धाराशिव शहरासाठी भरघोस मदतीची गरज असल्याचे नमूद केले.
यावेळी प्रताप सरनाईक यांनी महाराष्ट्राचे लाडके उपमुख्यमंत्री हे लाडकी बहीण योजनेचे जनक असून ते राज्याचे नगरविकासमंत्री आहेत. त्यामुळे धाराशिव शहराच्या विकासाला कसलाही निधी कमी पडू देणार नाहीत. त्यामुळे आपण मतदारांनी शहरातील सर्व बाळसाहेब ठाकरेंच्या शिवसेना या पक्षाच्या सर्वच नगरसेवक पदासाठी उभ्या असलेल्या उमेदवारांना मतदानरूपी आशीर्वाद दयावा , असे आवाहन त्यांनी केले. तर धाराशिव नगरपालिकेत जास्तीत जास्त नगरसेवक पाठवून राज्याचे लाडके उपमुख्यमंत्री एकनाथजीभाई शिंदे यांची ताकद वाढवावी, असे आवाहान त्यांनी केले.
यावेळी धाराशिव जिल्हा संघटक सुधीर पाटील, सहसंपर्क प्रमुख भगवान देवकते, डी.एन. कोळी,बाजीराव चव्हाण, महिला शिवसेना आघाडी प्रमुख शुभांगी नांदगावकर, जिल्हाप्रमुख सुरज सांळुके, युवासेनेचे नेते अजित लाकाळ, माजी नगरसेवक पृथ्वीराज चिलवंत,सर्व जिल्हयातील शिवसेनेचे सर्व पदाधिकारी, युवासेनाप्रमुख गणेश शिंदे, धाराशिव शहराच्या नगरपालिकेचे नगरसेवकपदाचे उमेदवार प्रेमाताई सुधीर पाटील, अमरसिंह देशमुख, लखन मुंडेसह सर्व उमेदवार व मोठया संख्येने शिवसैनिक सह शहरातील नागरिक उपस्थित होते.