कळंब (प्रतिनिधी)- नगर परिषद सार्वत्रिक निवडणूक 2025 च्या अनुषंगाने नगर परिषद कळंब मतदार संघात मतदानाच्या दिवशी सार्वजनिक सुट्टी शासनाच्या वतिने जाहीर करण्यात आलेली आहे.
नगर परिषद ,कळंब सार्वत्रिक निवडणूक 2025 च्या अनुषंगाने नगर परिषद ,कळंब मतदार संघातील सर्व मतदार यांना आपला अमूल्य असा मतदानाचा हक्क बजावता यावा यासाठी मतदानाच्या दिवशी सार्वजनिक सुट्टी असणार आहे. जिल्हा अधिकारी , धाराशीव यांचे प्राप्त पत्रानुसार महाराष्ट्र शासनाने राज्यातील नगरपरिषदा व नगर पंचायतीच्या निवडणुकांच्या अनुषंगाने मंगळवार दि. 02 डिसेंबर, 2025 रोजी संबंधित स्थानिक स्वराज्य संस्थेच्या मतदार संघात सार्वजनिक सुट्टी जाहीर केली आहे. तसेच सदरची अधिसूचना ही शासकीय, निमशासकीय कार्यालये, महामंडळे / मंडळे इत्यादींच्या निदर्शनास आणून देऊन ही सार्वजनिक सुट्टी ही नगरपरिषदा व नगर पंचायतीच्या निवडणुकांच्या अनुषंगाने मतदारसंघाच्या क्षेत्रातील जे मतदार कामासाठी त्या त्या मतदार संघांच्या बाहेर असतील त्यांना देखील लागू राहील. तसेच निवडणुका असलेल्या नगर परिषद व नगरपंचायत क्षेत्रातील केंद्र शासनाच्या शासकीय कार्यालये, निमशासकीय कार्यालये, सार्वजनिक उपक्रम, बँका इ.ना ही सार्वजनिक सुट्टी लागू असल्याचे कळविले आहे.
तरी नगर परिषद ,कळंब मतदार संघातील सर्व मतदारांनी दिनांक 02 डिसेंबर, 2025 वार मंगळवार रोजी आपला अमूल्य असा मतदानाचा हक्क बजवावा असे अवाहन निवडणूक निर्णय अधिकारी कळंब नगर परिषद सार्वत्रिक निवडणूक 2025 तथा तहसीलदार हेमंत ढोकले व सहा .निवडणूक अधिकारी तथा मुख्याधिकारी नगर परिषद, श्रीमती मंजुषा गुरमे यांनी केले आहे.