कळंब (प्रतिनिधी)- कळंब नगर परिषद सार्वत्रिक निवडणूक 2025 अंतर्गत दि. 29 नोव्हेंबर रोजी निवडणूक निर्णय अधिकारी हेमंत ढोकले सहा. निवडणूक निर्णय अधिकारी तथा मुख्याधिकारी मंजूषा गूरमे यांचे उपस्थिती मध्ये शहरातील सर्व मतदान केंद्रावरील नियुक्त अधिकारी कर्मचारी यांचे दुसरे प्रशिक्षण संपन्न् झाले.
कळंब नगर परिषद सार्वत्रिक निवडणूक 2025 करीता मतदान प्रक्रीया पारदर्शक व सुरळीत पार पाडण्यासाठी संत गोरोबाकाका शासकिय प्रशिक्षण संस्था कळंब या ठिकाणी सकाळी 10 वा शहरात सर्व मतदान केंद्रावरील नियुक्त अधिकारी कर्मचारी, केंद्राध्यक्ष मतदान अधिकारी एक दोन तीन यांचे साठी एक दिवशीय यांचे या प्रशिक्षण कार्यशाळेचे आयोजन राज्य् निवडणूक आयोग यांचे निर्देशान्वये व निवडणूक निर्णय अधिकारी हेमंत ढोकले, सहा. निवडणूक निर्णय अधिकारी मंजूषा गुरमे यांचे मार्गदर्शनाखाली आयोजन करण्यात आले. या प्रसंगी प्रशिक्षणासाठी उपस्थित मतदान केंद्रावरील नियुक्त अधिकारी कर्मचारी , केंद्राध्यक्ष मतदान अधिकारी यांना मशीन संचालना बाबत निवडणूक निर्णय अधिकारी हेमंत ढोकले मार्गदर्शन केले . तसेच सर्व नियुक्त् कर्मचा-यांनी ही निवडणूक प्रक्रीया पारदर्शकपणे पार पाडण्यासाठी संपूर्ण प्रक्रीया समजून घ्यावी, कोणतीही शंका,अडचण असेल तर निरसन करुन घ्यावे या साठी आम्ही सर्व सदैव उपलब्ध आहोत . या प्रसंगी सहा. निवडणूक निर्णय अधिकारी तथा मुख्याधिकारी मंजूषा गुरमे यांनी मतदान यंत्र व तांत्रिक बाबी आणि कागदपत्रे व विविध लिफाफे विषयी सविस्तर मार्गदर्शन केले. या वेळी उपस्थित प्रशिक्षणार्थी यांनी ईव्हीएम मशीन संचालनाबाबत प्रात्यक्षिकाच्या माध्यमातून सर्व बाबी समजावून घेतल्या. सदरील प्रशिक्षण/ कार्यशाळेसाठी नियुक्त सर्व अधिकारी कर्मचारी उपस्थित होते. कार्यक्रमाच्या यशस्वीतेसाठी, नगर परिषदेचे कर्मचारी कर निर्धारण अधिकारी अजय काकडे, संगणक अभियंता महेश माने, सहा. प्रकल्प् अधिकारी विक्रम समुद्रे यांनी परिश्रम घेतले.