धाराशिव (प्रतिनिधी)- जिल्हास्तरीय शालेय शूटिंग बॉल क्रीडा स्पर्धा तुळजाभवानी क्रीडा संकुल धाराशिव येथे पार पडल्या या स्पर्धेमध्ये आपल्या एकलव्य आश्रम शाळा मंगरूळ यमगरवाडी तालुका तुळजापूर येथील विद्यार्थ्यांनी 17 वर्ष वयोगट मुलांमध्ये प्रथम क्रमांक ,19 वर्ष वयोगट मुलांमध्ये प्रथम क्रमांक,17 वर्ष वयोगट मुलींन मध्ये प्रथम क्रमांक,19 वर्ष वयोगट मुलींन मध्ये प्रथम क्रमांक मिळाऊन यश संपादन केले. या सर्व चार ही संघाची पुढे होणाऱ्या विभागीय स्पर्धेसाठी निवड झाली आहे.
या सर्व विजयी खेळाडूंचे व क्रीडा विभाग प्रमुख ज्ञानेश्वर भुतेकर, बालाजी क्षीरसागर, प्रशिक्षक यशवंत निंबाळकर यांचे संस्थेच्या वतीने संस्थेचे अध्यक्ष उद्धव काळे, कार्यवाह, विवेक अयाचीत, उपाध्यक्ष डॉ.अभय शहापूरकर, मुख्याध्यापक अण्णासाहेब कोल्हटकर,विठ्ठल म्हेत्रे,संस्थेचे संचालक मंडळ व क्रीडा समितीचे सर्व सदस्य व सर्व कर्मचारी यांनी अभिनंदन केले व पुढील स्पर्धेसाठी शुभेच्छा दिल्या.