तुळजापूर (प्रतिनिधी)- प्रधानमंत्री किसान सन्मान निधी योजना कृषि विभागामार्फत राबविण्यात येत आहे. प्रधानमंत्री किसान सन्मान निधी योजना (पी.एम. किसान योजना) अंतर्गत शेतकऱ्यांच्या मोबाईल वर PMKisan list. APK किंवा PM Kisan APK या msg ची लिंक उघडताच शेतकऱ्यांच्या बँक खात्यात असलेली रक्कम गायब होत आहे.
तरी शेतकऱ्यांनी मोबाईल वर PM Kisan list. APK किंवा PM Kisan APK msg ची लिंक उघडू नये किंवा सदर लिंकचा वापर शेतकऱ्यांनी करू नये. तसेच अशी काही घटना घडल्यास किंवा आढळून आल्यास त्वरित जवळच्या संबंधित सायबर पोलिसांकडे तक्रार नोंदवावी असे आवाहन रविद्र माने जिल्हा अधिक्षक कृषि अधिकारी यांच्या वतीने करण्यात येत आहे.