धाराशिव (प्रतिनिधी)- नालंदा कॉलेज ऑफ फॅशन डिझायनिंग धाराशिव ने धाराशिव येथील छत्रपती शिवाजी महाराज नाट्यगृह येथे राज्यस्तरीय ड्रेस डिझाईनिंग स्पर्धेचे आयोजन केले होते.
सदर स्पर्धेमध्ये राज्यभरातून 150 च्या वर स्पर्धकांनी सहभाग नोंदवला सदर स्पर्धेत प्रथम ,द्वितीय व तृतीय अशा आलेल्या स्पर्धकांना अनुक्रमे रोख दहा हजार, सात हजार, पाच हजार अशी रोख रक्कम व ट्रॉफी देण्यात आली. स्पर्धेचे उद्घाटन डॉ. स्मिता गवळी यांनी केले. प्रमुख उपस्थितीमध्ये शिक्षण विस्तार अधिकारी दैवशाला हाके, डॉ. रेखा ढगे, संस्था अध्यक्ष प्राध्यापक प्रदीप रोडे उपस्थित होते. कार्यक्रमाचे प्रास्ताविक प्रा. लोखंडे यांनी केले. सदर स्पर्धेला उस्फुर्त प्रतिसाद मिळाला.