तुळजापूर (प्रतिनिधी)- तिर्थक्षेञ तुळजापूर शहराला पाणीपुरवठा करणाऱ्या तुळजापूर - नळदुर्ग रस्त्यावरील देवसिंगा पाटी येथे रस्ता काम करताना शनिवार दि.18 जानेवारी रोजी लोखंडी पाईप लाईन फुटल्याने सदरील पाईप लाईन दुरुस्ती होईपर्यत शहराला पाणीपुरवठा होणार नसल्याची माहिती नगर परीषद पाणीपुरवठा विभागाने दिली.

या बाबतीत अधिक माहीती अशी की, शहराला नळदुर्ग येथील बोरी प्रकल्पातुन शहराला पाणीपुरवठा करणारी पाईपलाईन रोडचे काम करीत असताना देवसिंग पाटी या ठिकाणी पाईपलाईन फुटली असल्यामुळे जोपर्यंत पाईपलाईन दुरुस्त होत नाही तोपर्यंत शहराला पाणीपुरवठा केला जाणार नाही. याची नागरिकांनी नोंद घ्यावी व प्रशासना सहकार्य करावे असे आवाहन नगर परीषद पाणीपुरवठा विभागाने केले आहे.

 
Top