तुळजापूर (प्रतिनिधी)- उपविभागीय अधिकारी संजयकुमार डव्हळे यांचे सूडबुद्धीने केलेले निलंबन आदेश रद्द करून, जिल्हाधिकारी ओम्बासे यांची बदली करण्याची मागणी मुख्यमंत्री,दोन उपमुखमंञी व महसुल मंञी यांच्याकडे सामाजिक कार्यकते गणेश पाटील यांनी निवेदन देवुन केली आहे.
निवेदनात म्हटले आहे कि, विधानसभा निवडणुकीच्या दोन दिवस अगोदर 18 नोव्हेंबर रोजी आणि विधानसभा निवडणुकीनंतर 29 नोव्हेंबर रोजी दोन अहवाल तुळजापुरचे निवडणूक निर्णय अधिकारी म्हणून संजयकुमार डव्हळे पाटील यांनी निवडणूक आयोगास पाठवले होते. ज्यामध्ये त्यांनी निवडणुकीमध्ये होत असलेला भ्रष्टाचार, ओम्बासे यांनी निवडणूक कामात आणलेला अडथळा, जरांगे पाटलांनी उभ्या केलेल्या उमेदवाराला तुच्छ वागणूक देणाऱ्या अधिकाऱ्यावर गुन्हा का दाखल केला. म्हणून ओम्बासे यांनी केलेली अश्लील शिवीगाळ जिल्हाधिकारी ओम्बासे यांनी केलेली जातीवाचक टिपणी, डव्हळे पाटील यांचे करियर उध्वस्त करून टाकन्याची ओम्बासे यांनी दिलेली धमकी या आशयाचे दोन अहवाल निवडणूक आयोगाला पाठवले आहेत.
त्यावर दिनांक 6 जानेवारी 2024 रोजी निवडणूक आयोगाने चौकशी समिती गठीत केली. आणि चौकशीसाठी विभागीय आयुक्तांनी 9 जानेवारी रोजी सुनावणी ठेवली. याचा राग मनामध्ये धरून जिल्हाधिकारी यांनी महसूल मंत्र्यांना तसेच सचिवांना बोलून डव्हळे पाटील यांना 7 जानेवारी 2024 रोजी निलंबित करून घेतलं.स्वतः निवडणूक आयोगाच्या चौकशीतून वाचण्यासाठी जातीवादी जिल्हाधिकाऱ्यांनी एका प्रामाणिक मराठा अधिकाऱ्यावर सूड भावनेने निलंबनाची कारवाई करून घेतली. त्यामुळे तात्काळ डव्हळे पाटील यांचा निलंबनाचा आदेश रद्द करून जातीवादी जिल्हाधिकारी ओम्बासे यांची बदली करा अन्यथा मराठा समाज रस्त्यावर उतरेल.असा इशारा निवेदनाद्वारे गणेश पाटील, आदित्य देशमुख, विठ्ठल पवार, आदित्य जिवनराव गोरे, विठ्ठल झाडे पाटिल, शेषराव मोहिते, गजानन जाधव यांनी दिला.