मुरुम (प्रतिनिधी)- नगर शिक्षण विकास मंडळ संचलित श्री माधवराव पाटील महाविद्यालय व माधवराव पाटील कॉलेज ऑफ फार्मसी यांच्या संयुक्त विद्यमाने महाविद्यालयाच्या सांस्कृतिक सभागृहात शिक्षणमहर्षी कै. माधवराव (काका) पाटील यांच्या नावाने दरवर्षी राज्यस्तरीय आंतरमहाविद्यालयीन स्पर्धेचे आयोजन शनिवारी (ता. 5) रोजी करण्यात आले. हे यंदाचे 23 वे वर्ष आहे. या उद्घाटन सोहळ्याचा कार्यक्रमाचे अध्यक्ष प्राचार्य डॉ. अशोक सपाटे होते. यावेळी माजी नगराध्यक्ष व्यंकटराव जाधव गुरुजी यांच्या हस्ते उद्घाटन करण्यात आले.
याप्रसंगी संस्थेचे संचालक प्रा. डॉ. सतिश शेळके, उपप्राचार्य डॉ. चंद्रकांत बिराजदार, फार्मसी कॉलेजचे समन्वयक प्रा. डॉ . रविंद्र आळंगे, प्रा. प्रियंका काजळे, प्रा. पायळ अगरकर, परिक्षक प्रा. डॉ. राजाराम निगडे (गुंजोटी), प्रा. डॉ. मल्लीनाथ बिराजदार (अणदूर), डॉ. सायबण्णा घोडके, डॉ. किरण राजपूत आदींची प्रमुख उपस्थिती होती. यावेळी महाविद्यालयातील आदर्श शिक्षक प्रा. अनिल हेबळे, प्रा. दयानंद बिराजदार, शिक्षकेत्तर कर्मचारी श्रावण कोकणे यांचा मान्यवरांच्या हस्ते शाल, सन्मानचिन्ह व प्रशस्तीपत्र देवून सत्कार करण्यात आला.
या कार्यक्रमाचे प्रस्ताविक डॉ. अशोक सपाटे यांनी केले. सूत्रसंचालन प्रा. डॉ. सुभाष हुलपल्ले तर आभार प्रा. डॉ. महेश मोटे यांनी मानले. यावेळी विविध महाविद्यालयाचे स्पर्धक, विविध शाखेतील विद्यार्थी-विद्यार्थिनी बहुसंख्येने उपस्थित होत्या.