धाराशिव (प्रतिनिधी)- विधानसभा सार्वत्रिक निवडणूक - 2024 च्या प्रक्रियेस 15 ऑक्टोबरपासून सुरुवात झालेली आहे.25 नोव्हेंबरपर्यंत आदर्श निवडणूक आचारसंहिता लागू राहणार आहे.ही निवडणूका विना अडथळा व शांततेने पार पाडण्यासाठी निवडणूकीच्या काळात लाऊड स्पीकर वापरण्यावर आयोगाने निर्बंध घातले आहे.
जिल्हातील सर्व विधानसभा मतदारसंघाच्या हद्दीत कोणत्याही वाहनांवर ध्वनीक्षेपक बसवुन त्याचा वापर फक्त सकाळी 6 ते रात्री 10 वाजेपर्यंत संबंधित पोलीस स्टेशन अधिकारी यांची रितसर परवानगी घेऊन करता येईल.असा वापर करत असतांना वाहन चालू ठेऊन ध्वनीक्षेपकाचा वापर करता येणार नाही.सर्व प्रकारच्या ध्वनीक्षेपकाचे वापरास वाहनावर बसवुन किंवा अन्य प्रकारे दररोज सकाळी 6 वाजतापासून ते रात्री 10 वाजेपर्यंत परवानगी राहील.
सर्व राजकीय पक्षाचे पदाधिकारी / निवडणूकीचे उमेदवार किंवा ध्वनीक्षेपकाचा वापर वाहनावर बसवुन किंवा प्रचार करणाऱ्या लोकांनी ध्वनीक्षेपकाचे वापराचे परवानगी विवरण मतदारसंघ निवडणूक निर्णय अधिकारी व जवळच्या पोलीस स्टेशनला देणे बंधनकारक राहील.या आदेशाचा कोणीही कोणत्याही प्रकारे भंग केल्यास ती व्यक्ती भारतीय दंड विधान संहिता कलम 188 प्रमाणे शिक्षेस पात्र होईल.हा आदेश 15 ऑक्टोबरपासून जिल्हयात सर्व विधानसभा मतदारसंघाचे हद्दीत 25 नोव्हेंबर 2024 पर्यंत अंमलात राहणार आहे.