धाराशिव (प्रतिनिधी)- जिल्ह्यामध्ये विविध जिल्हास्तरीय शालेय क्रीडा स्पर्धा मॉडर्न पॅन्टॉलॉन व बुद्धिबळ आणि तालुकास्तरीय शालेय कुस्ती स्पर्धेचे आयोजन केले होते. त्या स्पर्धेमध्ये एकलव्य आश्रम शाळा मंगरूळ यमगरवाडी येथील विद्यार्थ्यांनी अतिशय उत्तम कामगिरी करून यश संपादन केले.
जिल्हास्तरीय शालेय मॉडर्न पॅन्टॉथलॉन क्रीडा स्पर्धा ही रॉयल स्विमिंग पूल तुळजापूर येथे पार पडली. ही स्पर्धा 17 वर्षे वयोगटातील मुला मुलींसाठी 1200 मी रनिंग 100 मी स्विमिंग व नंतर 1200 मी रनिंग असून 19 वर्ष वयोगटातील मुला मुलींसाठी 1600 मी रनिंग 200 मी स्विमिंग व नंतर 1600 मी रनिंग अशी असून या स्पर्धेमध्ये 17 वर्ष वयोगटामध्ये ज्योतीराम पवार - प्रथम क्रमांक, निखिल गजभार - चौथा क्रमांक, कल्पना जाधव - द्वितीय क्रमांक, श्रद्धा सुरवसे तृतीय - क्रमांक, कल्पना जाधव चौथा - क्रमांक व 19 वर्षे वयोगटांमध्ये करण काळे - प्रथम क्रमांक, मसू निंबाळकर - चौथा क्रमांक ,आर्या बनसोडे - प्रथम क्रमांक, गौरी क्षीरसागर - तृतीय क्रमांक, मनीषा राठोड - चौथा क्रमांक असे क्रमांक यश संपादन केले व या सर्व खेळाडूंची पुढे होणाऱ्या विभागीय स्पर्धेसाठी निवड झाली आहे. त्यानंतर जिल्हास्तरीय शालेय बुद्धिबळ क्रीडा स्पर्धा ही श्री श्री रविशंकर धाराशिव येथे पार पडली या स्पर्धेमध्ये देव कांबळे यांनी जिल्ह्यातून पाचवा क्रमांक मिळवून यश संपादन केले व याची देखील पुढे होणाऱ्या विभागीय स्पर्धेसाठी निवड झाली आहे
तसेच तालुकास्तरीय शालेय कुस्ती क्रीडा स्पर्धा ही मृदग्लेश्वर मंदिर कुस्ती आराखडा सिंदफळ येथे पार पडली. या स्पर्धेमध्ये रमेश बंडगर याने तालुक्यातून प्रथम क्रमांक पटकावला. तर हनुमंत बंडगर यांनी द्वितीय क्रमांक पटकावला व प्रथम क्रमांक मिळालेल्या रमेश बंडगरची पुढे होणाऱ्या जिल्हास्तरीय स्पर्धेसाठी निवड झाली आहे. या सर्व खेळाडूंचे व क्रीडा विभाग प्रमुख व क्रीडा प्रशिक्षक ज्ञानेश्वर भुतेकर, बालाजी क्षीरसागर यांचे संस्थेच्या वतीने संस्थेचे अध्यक्ष रामचंद्रजी वैदू, कार्यवाह, विवेक आयचीत, उपाध्यक्ष डॉ.अभय शहापूरकर, मुख्याध्यापक अण्णासाहेब कोल्हटकर,विठ्ठल म्हेत्रे,संस्थेचे संचालक मंडळ व क्रीडा समितीचे सर्व सदस्य व सर्व कर्मचारी यांनी अभिनंदन केले व पुढील स्पर्धेसाठी शुभेच्छा दिल्या.