धाराशिव (प्रतिनिधी)-धाराशिवः रुपामाता अर्बन व मल्टीस्टेटचे चेअरमन ॲड. व्यंकटराव गुंड हे मॉरिशस येथे सहकार क्षेत्राच्या अभ्यास दौऱ्यावर जात आहेत. महाराष्ट्र राज्य सहकारी पतसंस्था फेडरेशन लि. मुंबई व मॉरिशस पतसंस्था फेडरेशनच्या संयुक्त विद्यमाने दि. 28 जानेवारी ते 02 फेब्रुवारी या कालावधीत या अभ्यास दौऱ्याचे आयोजन करण्यात आलेले आहे. महाराष्ट्र राज्य सहकारी पतसंस्था फेडरेशनचे चेअरमन ओमप्रकाश दादाप्पा कोयते व मुख्य कार्यकारी अधिकारी सुरेखा लवांडे दौऱ्यात सहभागी असणार आहेत. मॉरिशस येथील साखर उद्योगासह पतसंस्था आणि सहकार क्षेत्रातील कार्यपद्धतीची माहिती जाणून घेण्यात येणार आहे. 28 जानेवारी रोजी रात्री मुंबई येथील विमानतळावरुन ते मॉरिशसला रवाना होणार आहेत. तर 02 फेब्रुवारी रोजी ते परतणार आहेत. मॉरिशस येथे अभ्यास दौऱ्यासाठी जात असल्याबद्दल ॲड. गुंड यांना महाराष्ट्र राज्य सहकारी पतसंस्था फेडरेशनचे पदाधिकारी तसेच सहकार क्षेत्रातील मान्यवरांनी शुभेच्छा दिल्या आहेत.
