परंडा (प्रतिनिधी) - मराठा आरक्षणाची धग तीव्रतेने वाढत असून परंडा तालुक्यातील 96 गावांपैकी 47 गावांनी मंत्री, आमदार, खासदार यांना गाव बंदी केलेली आहे. बुधवार (दि.25 ) रोजी तालुक्यातील शेळगाव, धोञी, आनाळा, रुई, दुधी, मुगाव, खानापुर, जामगाव, तांदूळवाडी, कार्ला, चिंचपुर, बावची आदी गावातील मराठा समाज बांधवांनी परंडा तहसिलदार यांना निवेदन दिले.
मराठा योद्धा मनोज जरांगे पाटील यांना पाठिंबा, लोकप्रितिनिधीनां गावात प्रवेश बंद, मतदानावर बहिष्कार असे ठराव निवेनात मांडले आहेत. मुगाव येथील मराठा व धनगर समाजाने एकत्रित निवेदन दिले आहे .
आधी मराठा बांधवांना आरक्षण द्या मगच गावात या, आरक्षण आमच्या हक्काच नाही कोणाच्या बापाचं, जय जिजाऊ जय शिवराय, जरांगे तुम आगे बढो हम तुम्हारे साथ है, आरक्षण नाहीतर मतदान नाही, नो आरक्षण नो इलेक्शन आदि घोषणांनी शहरातील छत्रपती संभाजी महाराज चौक, महाराणा प्रताप चौक, छत्रपती शिवाजी महाराज चौक, डॉ.बाबासाहेब आंबेडकर चौक, परंडा तहसिल कार्यालय अशी दुचाकी रॅली काढण्यात आली.
भगवे झेंड हाती घेवून भगवी टोपी घालून युवक - तरुणांची लक्षणीय उपस्थिती होती. विविध घोषणांनी परिसर दुमदुमला होता. वाटेफळ, आनाळा, हिंगणगाव (खु), जेकटेवाडी, कंडारी, मलकापुर, रोहकल, लोणारवाडी, पाचपिंपळा, पिंपरखेड, भोंजा कुभेंजा, देवगाव (खु), चिंचपुर (खु), वागेगव्हाण, लोणी, लोहारा, राजुरी, सिरसाव, तांदुळवाडी, डोंजा, बावची, कात्राबाद, कुंभेफळ, रुई, सोने कांदलगाव, पांढरेवाडी, सोनारी, दहिटना, तांदुळवाडी, मुगाव, कार्ला, आसू, वाकडी, आवारपिंपरी, घारगाव, दुधी, खानापूर, जामगाव, शिराळा, जाकेपिंपरी, चिंचपूर (बु), खंडेश्वरवाडी, साकत (बु ), धोत्री, इनगोदा, शेळगाव, माणिकनगर या 46 गावात बैठका घेऊन मंत्री, आमदार, खासदार यांना प्रवेश बंदी घातली आहे.