धाराशिव (प्रतिनिधी)- येथील रामकृष्ण परमहंस महाविद्यालयात डॉक्टर बाबासाहेब आंबेडकर मराठवाडा विद्यापीठाचा वर्धापन दिन महाविद्यालयाचे प्राचार्य डॉ.जयसिंगराव देशमुख यांच्या मार्गदर्शनाखाली उत्साहात साजरा करण्यात आला.
सर्वप्रथम शिक्षण महर्षी डॉक्टर बापूजी साळुंखे आणि संस्थामाता सुशिलादेवी साळुंखे यांच्या पुतळ्याला प्राचार्य डॉ.जयसिंगराव देशमुख यांच्या शुभहस्ते पुष्पहार अर्पण करून भारतरत्न डॉ.बाबासाहेब आंबेडकर आणि महाराष्ट्राचे पहिले मुख्यमंत्री मा. यशवंतराव चव्हाण यांच्या प्रतिमेचे पूजन करून विद्यापीठ ध्वज प्राचार्य यांच्या शुभहस्ते फडकवण्यात आला.
यावेळी महाविद्यालयातील कनिष्ठ विभागातील उपप्राचार्य श्री बबन सूर्यवंशी आणि सर्व गुरुदेव कार्यकर्ते आणि विद्यार्थी मोठ्या संख्येने उपस्थित होते. सदर कार्यक्रम महाविद्यालयाचे प्राचार्य डॉ. जयसिंगराव देशमुख यांच्या मार्गदर्शनाखाली संपन्न झाला.