तुळजापूर (प्रतिनिधी)- बालाजी अमाईन्सकडून सीएसआर अंतर्गत आणि धाराशिव व सोलापूर जिल्ह्यातील 40 शाळांना संगणक, प्रोजेक्टर, स्मार्ट टीव्ही, स्मार्ट बोर्ड, विज्ञान प्रयोगशाळा साहित्य व बेंचेस इत्यादी शैक्षणिक साहित्य वाटप करण्या आले या कार्यक्रमाचा अध्यक्षस्थानी जिल्हाधिकारी डॉ. सचिन ओंबासे होते, प्रमुख पाहुणे म्हणून सोलापूर जिल्हापरिषदेचे मुख्य कार्यकारी अधिकारी श्रीमती मनीषा आव्हाळे आणि केंद्रीय संचार ब्युरोचे क्षेत्रीय अधिकारी श्री अंकुश चव्हाण उपस्थित होते.
यावेळी बोलताना जिल्हाधिकाऱ्यांनी बालाजी अमाईन्सचे कौतुक केले आणि ज्या गोष्टी प्रशासनास साध्य करण्यास वेळ लागतो त्या गोष्टी कंपनीने सीएसआरच्या माध्यमातून खूप कमी वेळात पूर्ण केले असून समाजातील त्यांचे काम उल्लेखनीय असल्याची प्रशंसा त्यांनी यावेळी केली. मनीषा आव्हाळे आणि अंकुश चव्हाण यांनीदेखील कंपनीने करत असलेल्या कामाचे कौतुक करून भविष्यासाठी शुभेच्छा दिल्या आणि सर्व शाळांना मिळालेल्या वस्तूंचा व्यवस्थित वापर करण्याचे आव्हान केले.
यावेळी कंपनीचे व्यवस्थापकीय संचालक डी. राम रेड्डी, संचालक एन. राजेश्वर रेड्डी, स्वतंत्र संचालक डॉ. सुहासिनी शहा व डॉ. उमा प्रधान आणि तांत्रिक सल्लागार मल्लिनाथ बिराजदार उपस्थित होते.
हॉटेल बालाजी सरोवर प्रीमिअर येथे पार पडलेल्या कार्यक्रमात शाळानिहाय केलेल्या साहित्यांचे वाटप खालीलप्रमाणे आहे. नगरपरिषद प्रा. शाळा क्र. 2, तुळजापूर - 20 बेंचेस, जि. प. प्राथमिक प्रशाला, नळदुर्ग - 25 बेंचेस, लाल बहाद्दुर मागास समाज सेवा मंडळ, उमरगा - 30 बेंचेस जि. प. प्राथमिक प्रशाला, हंगरगा - 30, बेंचेस राजीव गांधी विद्यालय, हंगरगा - 20 बेंचेस, साने गुरुजी विद्यालय, केशेगांव - 25 बेंचेस, जय तुळजाभवानी माता प्रा. आश्रम शाळा - 10 बेंचेस, राम वरदायिनी प्रा. विद्या मंदिर, तुळजापूर - 40 बेंचेस, श्री एस. पी. हायस्कुल, वडगाव - 20 बेंचेस, धुत्ता माध्यमिक विद्यालय, धुत्ता - 20 बेंचेस, जि. प. प्राथमिक प्रशाला, चिंचोली - 1 संगणक, जि. प. प्राथमिक प्रशाला, रामवाडी - 1 संगणक, नगरपरिषद प्रा. शाळा क्र. 3, तुळजापूर - 2 संगणक, तुळजाभवानी सैनिक माध्यमिक विद्यालय - 2 संगणक, महात्मा गांधी विद्यालय, उजनी - प्रयोगशाळा साहित्य.