तुळजापूर -
भाजपा-शिवसेना युतीचा विजय हेच आपले लक्ष असुन पालकमंञी मा.ना. तानाजीराव सावंत यांनी राज्यपातळीवर निवडणुकीत जे भाजपा-शिवसेना युतीचे धोरण निश्चीत केले आहे, तेच . धाराशिव जिल्ह्यात बाजार समितीच्या निवडणुकीत राबवले जाणार आहे अशी माहीती शिवसेना जिल्हा प्रमुख मोहन पेनुरे यांनी प्रसिद्धी पञक काढुन दिली
पालकमंत्री मा.ना. तानाजीराव सावंत व भाजपाचे नेते आ. राणाजगजीसिंह पाटील साहेब यांच्या सूचनेनुसार भारतीय जनता पार्टी व शिवसेना
एकत्रितपणे निवडणुका लढवत आहेत. मुख्यमंत्री मा. एकनाथजी शिंदे व उपमुख्यमंत्री देवेन्द्र फडणवीस यांच्या
नेतृत्वाखाली सरकारने राज्यात व जिल्ह्यात देखील विकासकामांचा धडाका लावला असून शेतकरी हिताचे
अनेक निर्णय घेतल्याने जिल्ह्यातील बाजार समितीचे मतदार शिवसेना-भाजपा च्या युतीच्या पाठीशी
ठामपणे उभे आहेत. जिल्ह्यातील इतर बाजार समितीप्रमाणे तुळजापूर कृषी उत्पन्न बाजार समितीची निवडणुकदेखील
भाजपा व शिवसेना एकत्रित लढवत आहेत. असे असताना काल पालकमंत्री ना. तानाजीराव सावंत
साहेबांचा फोटो वापरून कांही लोक मतदारांमध्ये संभ्रम निर्माण करण्याचा प्रयत्न करत आहेत सर्व शिवसेना नेते, कार्यकर्ते भाजपा-
शिवसेना पुरस्कृत श्री तुळजाभवानी शेतकरी विकास पॅनलच्या पाठीशी ठामपणे उभे आहेत.
तुळजापूर तालुक्यातील शिवसेनेचे सर्व नेते व कार्यकर्ते यांनी कोणाच्याही भूलथापांना बळी न पडता
श्री तुळजाभवानी शेतकरी विकास पॅनलच्या उमेदवारांना प्रचंड मतांनी निवडून द्यावे असे तानाजीराव सावंतयांंचेआदेश आहेत.