धाराशिव / प्रतिनिधी-
धाराशिव जिल्ह्यातील 8 बाजार समितीसाठी निवडणुकीसाठी मतदान सुरू आहे. यात प्रत्येकी 18 संचालक मंडळ अश्या 144 जागांसाठी 327 उमेदवार निवडणुकीच्या रिंगणात आहेत. तर 13 हजार 581 मतदार मतदानाचा हक्क बजावतील. सकाळी 8 ते दुपारी 4 या वेळेत मतदान प्रक्रिया पार पडेल. महाविकास आघाडी विरुद्ध महायुती अशी सरळ लढत होत आहे. तुळजापूर, धाराशिव, कळंब व भुम परंडा, उमरगा या ठिकाणी प्रतिषठेची लढत होत आहे. या निवडणुकीत शिवसेना ठाकरे गट खासदार ओमराजे निंबाळकर , ठाकरे गट आमदार कैलास पाटील , माजी आमदार ज्ञानेश्वर पाटील माजी मंत्री काँग्रेस नेते मधुकरराव चव्हाण , माजी मंत्री बसवराज पाटील , माजी आमदार राहुल मोटे या महाविकास आघाडीच्या नेत्यांची प्रतिष्ठा पणाला लागलीये. तर महायुतीच्या पालकमंत्री तथा आरोग्यमंत्री डॉ तानाजी सावंत , शिंदे गटाचे आमदार ज्ञानराज चौगुले,भाजप आमदार राणाजगजितसिंह पाटील,माजी खासदार रवींद्र गायकवाड , माजी आमदार सुजितसिंह ठाकूर या नेत्यांची प्रतिष्ठा पणाला लागली आहे.