लोहारा/प्रतिनिधी
लोहारा तालुक्यातील आष्टा कासार तालुका लोहारा येथे जिल्हा अधीक्षक कृषि अधिकारी धाराशिव महेश तिर्थकर व तालुका कृषी अधिकारी लोहारा मिलिंद बिडबाग यांच्या मार्गदर्शनाखाली आयोजित करण्यात आले.
कृषी संजीवनी मोहिमेअंतर्गत शेतकऱ्यांना मार्गदर्शन करण्यात आले. यावेळी राज्य पुरस्कृत एकात्मिक सोयाबीन उत्पादकता वाढ व मूल्य साखळी विकास योजना, महात्मा गांधी रोजगार हमी योजना, प्रधानमंत्री सूक्ष्म अन्नप्रक्रिया योजना तसेच आत्मा अंतर्गत राबविण्यात येणाऱ्या विविध योजनेबाबत माहिती देण्यात आली. शेतकर्यांनी घरी राखून ठेवलेले बियाणे पेरणीसाठी वापरावे व त्याच बरोबर 80 - 100 मिमी पाऊस झाल्यानंतर बीज प्रक्रिया करूनच पेरणी करावी असे, आवाहन आष्टा कासारचे कृषी सहायक पवार सचिन यांनी केले.
यावेळी मंडळ कृषी अधिकारी रवी बनजगोळे , कृषी सहाय्यक सचिन पवार, सरपंच सौ.सुलभा कांबळे, उपसरपंच वसंतराव सुलतानपूरे, मुकेश मुळे, सिद्राम तडकले, जिनेन्द्र कासार, सुरज खैराटे, पिंटू मदने, सर्व महिला बचत गट, महिला शेतकरी मोठ्या संख्येने उपस्थित होते.