पिककर्ज देण्याबाबतीत शेतकऱ्यांची हेळसाड करु नका पिककर्ज देणे कामात गती द्या, अन्यथा शिवसेना स्टाईल ने उत्तर दिले जाईल, ३१ जुलै पर्यंत राष्ट्रीयकृत बँकांनी आपले टार्गेट पुर्ण करावे, अशी सूचना खा. ओमराजे निंबाळकर यांनी केले.
तुळजापूर येथे राष्ट्रीयकृत बँकेची खरीप हंगाम - २०२१ पिक कर्ज संदर्भात आढावा बैठक शुक्रवार दि. १६ जुलै घेण्यात आली. यावेळी ते बोलत होते. या बैठकीस प्रामुख्याने जिल्हा अग्रणी बँकेचे विजयकर, जिल्हा निबंधक श्री.देशमुख तहसिलदार सौदागर तांदळे, गटविकास अधिकारी प्रशांतसिंह मरोड उपस्थित होते. प्रथमता पिककर्ज बाबतीत शाखा निहाय आढावा घेतला. यात कर्जवाटप ञुटी समस्या जाणुन घेतल्या. दत्तक बँकांच्या सर्व शाखा व्यवस्थापकांनी दर्शनी भागावर गावाची यादी लावुन . तालुक्यातील पात्र शेतकरी कर्जपुरवठा पासून वंचित राहणार नाहीत याची दक्षता घ्यावी, तसेच पीक कर्ज संदर्भात लागणारी कागदपत्रे दर्शनी भागावरती लावण्यात यावीत, 31 जुलै पर्यंत जुन्या पात्र शेतकऱ्यांच्या पीक कर्जाचे पुनर्जीवन करावे. व नविन कर्ज देण्यात यावे. जेणेकरून राज्य शासनाच्या पंजाबराव देशमुख कर्ज व्याज सवलतीचा लाभ घेता येतो, वेळेत शेतकऱ्यांना कर्ज वाटप झाल्यास शेतकऱ्यांना सावकाराच्या दारात जाण्याची वेळ येणार नाही, शेतकऱ्यांना नोड्युज न मागता बँकेकडुन मागुन घ्यावेतवन टाईम सेटलमेंट केलेल्या शेतकऱ्यांना परत पिक कर्ज पुरवठा करावा, दिलेले टार्गेट वेळेत पुर्ण करावे, चव्हाणवाडी ग्रामस्थांची हेळसांड न करता तामलवाडी बँकेतुन पिककर्ज द्यावे शेतकऱ्यांनी आम्हाला फोन लावुन तो तुम्हाला घ्यायला दिला तर तर तो फोन घेत चला अशा बैठकीत खासदार ओमराजे निंबाळकर यांनी सुचना केल्या.
या बैठकी महिला आघाडी जिल्हाप्रमुख शामलताई वडणे, उपजिल्हा प्रमुख शाम पवार, शहरप्रमुख सुधिर कदम, अल्प संख्याक जिल्हाध्यक्ष अमीर शेख, उपतालुकप्रमुख सुनिल जाधव, संजय भोसले, रोहित चव्हाण, उप शहरप्रमुख बापूसाहेब नाईकवाडी, दिनेश रसाळ, मीडिया प्रमुख चेतन बंडगर, युवासेना शहरप्रमुख सागर इंगळे, सिंदफळ विभागप्रमुख बालाजी पांचाळ, विद्यार्थी सेना उपजिल्हाप्रमुख विकास भोसले, भिवाजी सावंत, शंकर गव्हाणे तसेच सर्व राष्ट्रीयकृत बॅंकांचे व्यवस्थापक, बँक प्रतिनिधी उपस्थित होते.