काटी/प्रतिनिधी-
भारतीय जनता पक्षाचे प्रदेश कार्यकारिणी सदस्य ॲड.अनिल काळे यांनी 10 एप्रिल रोजी ॲन्टेजिन कोविड टेस्ट केली हि कोविड टेस्ट सुदैवाने निगेटिव्ह आली होती. परंतु दोन दिवसानंतर थोडासा त्रास जाणवू लागल्यामुळे त्यांनी लगेच एच.आर.टी.सी. टेस्ट करून घेतली परंतु HRTC रिपोर्टमध्ये फुफ्फुसावर
इन्फेक्शन दाखवले व स्कोअरही जास्त प्रमाणात दाखवला. त्यामुळे घरचेही घाबरून गेले होते. त्यानंतर डॉ. सतीश पवार यांच्या मार्गदर्शनाखाली उपचार सुरू होते. परंतु पुन्हा अचानकपणे 19 एप्रिलला जास्त त्रास जाणवल्यामुळे उस्मानाबाद मध्ये ऑक्सिजन व व्हेंटिलेटर बेड उपलब्ध होत नव्हता. परंतु निरामय हॉस्पिटल उस्मानाबाद मध्ये एक बेड उपलब्ध झाला. परंतु ऑक्सिजन लेव्हल कमी होत होती. हा सर्व घटनाक्रम अखेर माजी मुख्यमंत्री देवेंद्र फडणवीस,भाजपचे प्रदेशाध्यक्ष चंद्रकांत दादा पाटील यांना समजला त्यानी वरुण सर्व चक्रे हलवून सोलापूर येथील येथील हॉस्पिटलला हलविण्याचा निर्णय घेण्यात आला. तातडीने सोलापूर येथील ऑक्सिजन व व्हेंटिलेटर बेड असणाऱ्या हॉस्पिटल मध्ये दाखल करण्यासाठी प्रयत्न सुरु केले. परंतु सोलापूर येथील हॉस्पिटलमध्ये कोठेही ऑक्सिजन व व्हेंटिलेटर बेड उपलब्ध नव्हता. शेवटी मार्केडेय हॉस्पिटलमध्ये अतिदक्षता विभागात दाखल करण्यात आले.
सोलापूरातील हॉस्पिटलमध्ये भारतीय जनता पक्षाचा एक सच्चा कार्यकर्त्यावर प्रकृती ढासळत असताना चांगले उपचार व्हावेत यासाठी सोलापूर हॉस्पिटलमध्ये दाखल करुन घेण्यासाठी माझी मुख्यमंत्री देवेंद्र फडणवीस, प्रदेशाध्यक्ष चंद्रकांत पाटील यांच्यासह आमदार राणाजगजितसिंह पाटील, माजी मंत्री सुभाष बापू देशमुख, आमदार सुजितसिंह ठाकुर, आमदार विजय देशमुख यांनी प्रयत्न केल्याचे समजते. कार्यकर्त्यांवर प्रेम करणारा नेता कसा असावा याची प्रचती देवेंद्र भाऊ फडणवीस यांनी एका कार्यकर्त्यासाठी जे केले त्यावरून येते याची चर्चा संपूर्ण जिल्हाभर चालू आहे. मार्केडेय हॉस्पिटलमध्ये अतिदक्षता विभागात मागील दोन दिवसांपासून उपचार सुरु असून प्रकृती स्थिर असल्याचे मार्केडेंय हॉस्पिटलचे अधिष्ठाता डॉ. गुंडीले यांनी नातेवाईकांना सांगितले.