मकरसंक्रांतीदिनी शहरातील महिलांना दर्शन पासची सक्ती न करता आधार कार्ड पाहून तुळजाभवानी मंदिरात प्रवेश देण्याची मागणी पुजारी मंडळाने जिल्हाधिकारी तथा मंदिर संस्थानचे अध्यक्ष काैस्तुभ दिवेगावकर यांच्याकडे केली आहे. हळदी-कुंकू, चूडा आदी सुवासीनींचे वाण देवीचरणी वाहण्याची प्रथा असून यासाठी महिला मोठी गर्दी होते. निवेदनावर पुजारी मंडळाचे उपाध्यक्ष विपीन शिंदे यांची स्वाक्षरी आहे.
अभिषेक, प्रक्षाळ, चरणतीर्थ, छबिन्याला पुजाऱ्यांना सोडा : शाकंभरी नवरात्र महोत्सवात पुजाऱ्यांना तुळजाभवानीच्या दर्शनासाठी मंदिरात सोडण्यासह नवरात्रात अभिषेक पूजेवेळी देवीला दही-दुध घालण्यासाठी, नवरात्रात प्रक्षाळ, चरणतीर्थ व छबिन्याच्या वेळी मंदिरात सोडण्याची मागणी पुजारी मंडळाने केली. सशुल्क दर्शनासोबत पुजाऱ्यांना न्हानी गेटने सोडण्याची मागणी पुजारी मंडळाने केली आहे.