येथील रामकृष्ण परमहंस महाविद्यालयात १२जानेवारी रोजी ,श्री स्वामी विवेकानंद व राजमाता जिजाऊ यांच्या जयंती निमित्त प्रतिमा पुजन महाविद्यालयाचे प्राचार्य डाॅ.जयसिंगराव देशमुख यांचे हस्ते करण्यात आले.
राजमाता जिजाऊ व श्री स्वामी विवेकानंद यांच्यावरील कार्यावर बोलतांना प्रा.डाॅ.विकास सरनाईक म्हणाले की,राजमाता जिजाऊ यांनीच छञपती शिवाजी महाराजांना खरे मार्गदर्शन केल्याने हजारो अठरापगड जातीतील मावळ्यामुळेच त्यांनी स्वराज्याचे तोरण बांधले व रयतेची सेवा केली त्यामुळेच आजच्या महिलांनी राजमाता जिजाऊ यांचा आदर्श घ्यावा तसेच स्वामी विवेकानंदानी जो माणुसकीचा धर्म सांगितला आहे त्याचे स्मरण करूण आजच्या तरूण पिढीने व्यसनाधिनतेपासून दूर राहिले पाहिजे व विवेकानंदाच्या स्वप्नातील भारत घडवण्यासाती आजच्या युवकांनी धडपडले पाहिजे व यासाठी श्री स्वामी विवेकानंद समजून घेण्यासाठी त्यांचे चरिञ्य विद्यार्थ्यांनी वाचावे असे आवाहन केले.
अध्यक्षीय समारोप करतांना प्राचार्य डाॅ.जयसिंगराव देशमुख म्हणाले की आजच्या बदलत्या काळात राजमाता जिजाऊ यांचा आदर्श घेऊन जर स्ञीयांनी आपली मुले घडवली तर आजची तरूण पिढी मजबुत होईल आणि स्वामी विवेकानंद यांचे विचार समजून घेतले तर त्यागी जीवनाचे महत्व कळेल ,त्यांनी सांगितलेला धर्म कळेल यासाठी त्यांचेवरील साहित्य वाचावे असे आवाहन केले. यावेळी प्र.प्राचार्य डाॅ.ए.बी.इंदलकर,उपप्राचार्य प्रा.बबन सूर्यवंशी,प्रा.डाॅ.केशेव क्षीरसागर,प्रा,अतुल देशमुख उपस्थित होते.आभार प्रा.वैभव आगळे यांनी मानले.