उस्मानाबाद तालुक्यातील तेर येथील श्री.संत गोरोबा काका यांच्या वाडयाच्या माळवदाचा खांब पडला असून या वाडयाच्या नित्क्रष्ट बांधकाम प्रकरणी सबंधित अधिकारी व गुत्तेदार यांच्यावर कारवाई करण्याच्या मागणीसाठी तेर येथील अजित कदम हे तेर येथील कै.रामलिंगप्पा लामतुरे शासकीय पुराणवस्तु संग्रहालयासमोर उपोषणास (10नोव्हेबरला) बसले होते. परंतु उपोषणास बसल्यानंतर पुरातत्व विभागाचे सहाय्यक संचालक अजित खंदारे यानी दुरध्वनीवरून या संदर्भात कार्यवाही करण्याचे अश्वासनानंतर उपोषण मागे घेण्यात आले.
उस्मानाबाद तालुक्यातील तेर येथे संत श्रेष्ठ गोरोबा काका यांचा वाडा असून पुरातत्व विभागाच्या अधिपत्याखाली आहे. या वाडयाच्या बांधकामासाठी दोनदा निधी देऊनही 1 नोंव्हेबर 2020 रोजी राञी माळवदाचा लाकडी खांब पडला आहे.त्यामुळे या वाडयाचे काम अत्यंत नित्क्रष्ठ दर्जाचे झालेले असल्याने लाकडी मंडपाचे इतरही खांब पडण्याची शक्यता आहे.त्यामुळे संबधित पुरातत्व विभागाचे अधिकारी व संबधित गुत्तेदारावर कारवाई करावी नसता तेर येथील कै.रामलिंगप्पा लामतुरे शासकीय पुराणवस्तु संग्रहालयासमोर 10 नोंव्हेबरला उपोषणास बसणार असल्याचा इशारा निवेदनाव्दारे तेर येथील अजित कदम यानी पुरातत्व व वस्तुसंग्रहालयचे संचालक यांना दिला होता.निवेदनाच्या प्रति पुरातत्व विभागाचे सहाय्यक संचालक औरगाबाद, जिल्हाधिकारी उस्मानाबाद,तेर दुरक्षेञ,कै.रामलिंगप्पा लामतुरे शासकीय पुराणवस्तु संग्रहालय तेर यांनाही दिलेल्या होत्या परंतु मागण्या मान्य केल्या नसल्यामुळे तेर येथील अजित कदम तेरच्या संग्रहालयासमोर (10 नोव्हेबरला)उपेाषणास बसले होते.
यानंतर पुरातत्व विभागाचे सहाय्यक संचालक अजित खंदारे दुरध्ववीव्दारे यानी या बाबतीत कार्यवाही करण्याचे अश्वासन देऊन गुत्तेदाराने वाडयाबाबत पुरातत्व विभागाकडे जे लिहून दिले त्याची प्रतही देण्यात आली.यावेळी संग्रहालयाचे सहाय्यक अभिरक्षक अमोल गोटे,ढोकी पोलिस स्टेशनचे सपोनि सुरेश बनसोडे उपस्थीत होते.