उस्मानाबाद/ प्रतिनिधी
महाराष्ट्र शासन, कौशल्य्‍ विकास रोजगार व उद्योजकता, विभागीय आयुक्तालय्, औंरगाबाद, या कार्यालयामार्फत दिनांक 01 नोंव्हेबर 2020 ते दिनांक 07 नोंव्हेबर 2020 या कालावधी ऑनलाईन महारोजगार मेळाव्याचे आयोजन करण्यात आलेले आहे. या मेळाव्यासाठी, जय बालाजी एन्टरप्रायजेस औंरगाबाद, अभिजय ऑटोपार्टस प्रा.लि.औरंगाबाद, आकार ऑटो इंडस्टीज लि औरंगाबाद, चौगुले इंडस्टीज प्रा.लि पुणे, महावितरण कार्यालय औरंगाबाद, मुख्य जीवन विमा सल्लागार प्राधिकरण,प्रथम एज्युकेशन फाउंडेशन, सेक्युरिटी ॲण्ड इंटेलिजन्स सर्विसेस इंडीया लि. गोवा, रक्षा सेक्युरिटी फोर्स, हिंगोली, विराज प्रोफाईल लि. पालघर, श्री. गुरुकृपा इंजिनिअरिंग वर्क्स उस्मानाबाद, धूत टान्समिशन औरंगाबाद, महिंद्रा स्टील सर्व्हीस लि. पुणे, एनआरबी बेअरिंग औंरगाबाद, असेंसीव्ह एज्युकेशन लि. पुणे व श्री साई रिसर्च लँब इ. नामांकित उद्योजकांनी 1902 ऑनलाईन रिक्त्‍ापदे अधिसुचित केलेली आहेत.
एस.एस.सी.,एच.एस.सी., आय.टी आय. पदवीधर, डिप्लोमा व अभियांत्रिकी पदवीधर, एम.बी.ए, इत्यादी पात्रता धारण केलेल्या उमेदवारांनी या सुवर्णसंधीचा लाभ घ्यावा. सदर मेळाव्यात सहभागी होण्यासाठी या विभागाच्या www.rojgar.mahaswayam.gov.in या संकेतस्थळावर उपलब्ध असलेल्या वरील रिक्तपदांना आपल्या एम्पलॉयमेंट नोंदणी असलेल्या उमेदवारांनी युजरआयडी व पासवर्ड ने लॉग इन होऊन ऑलनाईन अप्लाय करावे. व ज्यांची नोंदणी नाही त्यांनी नोंदणी करुन अप्लाय करावे.
याबाबत काही अडचण असल्यास दुरध्वनी क्रमांक 0240-2334859 वर संपर्क करावा. तसेच जॅाब व्हँकेंसीज बाबत दररोज माहिती अपडेट करण्यात येते तरी उमेदवांरानी रोजगार मेळाव्याच्या कालावधीत संकेतस्थळास भेट दयावी तरी या ऑनलाईन रोजगार मेळाव्यात जास्तीत जास्त इच्छुक उमेदवारांनी सहभागी व्हावे असे आवाहन श्री. अ.भि.पवार, उपआयुक्त, कौशल्य विकास, रोजगार व उद्योजकता, विभागीय आयुक्तालय औरंगाबाद यांनी केलेले आहे.