जिल्ह्यात (कोविड-19) या संसर्गजन्य आजारावर नियंत्रण आणण्यासाठी व त्याचा प्रादुर्भाव रोखण्यासाठी कोविड-19 स्वॅब, अँटीजन टेस्ट तपासणी केंद्र स्थापन करण्यात आले आहेत. या ठिकाणांबरोबरच उस्मानाबाद तेरणा अभियांत्रिकी महाविद्यालय, मुलांचे वसतिगृह, उस्मानाबाद व तुळजापूर 124 भक्त निवास, यात्रा मैदान, तुळजापूर या दोन ठिकाणी कोविड-19 स्वॅब, अँटीजन टेस्ट तपासणी केंद्र स्थापन करण्याचे आदेश दिले आहेत.
वरील तपासणी केंद्रावर जिल्हा शल्यचिकित्सक, जिल्हा आरोग्य अधिकारी यांनी पुरेशा प्रमाणात आरोग्य विषयक कर्मचाऱ्यांची नेमणूक करण्यात यावी.
या तपासणी केंद्रावर सकाळी 9.00 ते दुपारी 3.00 वाजेपर्यंत स्वॅब, अॅन्टीजन टेस्ट करण्यात याव्यात. त्याचा दैनंदिन अहवाल जिल्हा शल्यचिकित्सक, जिल्हा आरोग्य अधिकारी यांना सादर करावा.
अॅन्टीजन टेस्ट तपासणी केंद्रावर येणाऱ्या व्यक्तींची थर्मल स्कॅनिंग करण्यात यावे व त्यांचे ऑक्सिमीटर रिडींग घेवून त्याचे रेकॉर्ड ठेवण्यात यावे.आरोग्य सचिव, महाराष्ट्र शासन यांचे दिनांक 21 ऑगस्ट, 2020 च्या परिपत्रकातील सुचनांप्रमाणे (SOP प्रमाणे) तात्काळ आवश्यक ती कार्यवाही करण्यात यावी.दैनंदिन तपासणी अहवाल जिल्हा शल्यचिकीत्सक, जिल्हा आरोग्य अधिकारी यांनी जिल्हा आपत्ती व्यवस्थापन शाखेस नियमितपणे सादर करावा.