धाराशिव (प्रतिनिधी)- मित्राच्या घरी चोरी करणाऱ्या मित्रांना स्थानिक गुन्हे शाखेच्या पथकाने गजाआड करून 79 हजार 780 रूपयाचा मुद्देमाल जप्त केला आहे.
याबाबत अधिक माहिती अशी की, स्थानिक गुन्हे शाखेचे पथक धाराशिव जिल्ह्यातील मालाविषयी गुन्हे उघडकीस आणणेकामी धाराशिव शहरात पेट्रोलिंग करीत असताना पथकास पोलीस ठाणे धाराशिव शहर गुरनं 570/2025 कलम 331(4), 305(A) बीएनएस हा गुन्हा आरोपी नामे स्वप्नील सतीष जेटीथोर, श्वेत सुनिल चिलवंत, निखील किरण सोनवणे सर्व रा. धाराशिव यांनी केला आहे. अशी गुप्त माहिती मिळाल्याने पथकाने धाराशिव शहरात नमुद आरोपीचा शोध घेताला असता ते धाराशिव शहरात मिळून आल्याने त्यांना ताब्यात घेतले. त्यांचेकडे गुन्ह्याच्या अनुषंगाने चौकशी केली असता त्यांनी सांगीतले की, सदर गुन्ह्यातील फिर्यादी शुध्दोधन गायकवाड यांने यातील आरोपींना उसने पैसे देवून त्याचे जास्त व्याज घेतले होते म्हणुन आरोपींनी संगणमत करुन फिर्यादीचे घरी कुरणेनगर येथे चोरी केली असल्याचे कबुल केले. नमुद आरोपीचे ताब्यातुन सोन्याचे दागिने व रोख रक्कम असे एकुण 79 हजार 780 रूपयाचा मुद्देमाल जप्त केला आहे.
सदरची कामगीरी पोलीस अधीक्षक रितु खोखर, अपर पोलीस अधीक्षक शफकत आमना यांच्या मार्गदर्शनाखाली स्थानिक गुन्हा शाखेचे पोनि विनोद इज्जपवार यांचे आदेशावरुन सहाय्यक पोलीस निरीक्षक सचिन खटके, पोलीस हावलदार नितीन जाधवर, बबन जाधवर, चालक पोलीस हावलदार महेबुब अरब, रोहीत दंडनाईक यांच्या पथकाने केली आहे.