मुरुम(प्रतिनिधी)- श्री छत्रपती शिवाजी महाविद्यालय उमरगा येथील एनसीसी विभागातील कॅडेट राठोड शुभम भारतीय सैन्यदलात अग्निवीर म्हणून भरती झाला. त्याबद्दल महाविद्यालयाच्या वतीने प्राचार्य डॉ संजय अस्वले यांनी त्याचा सत्कार करून पुढील कार्यासाठी शुभेच्छा दिल्या. शुभम कदेर तांडयाचा रहिवासी असुन वडिल मोलमजुरी करून उदरनिर्वाह करतात . गरीबी परिस्थितीमुळे शुभमला कोणत्याही अकॅडमीला न पाठवता वडिलानी त्याला स्वत: तयारी करण्यासाठी प्रोत्साहित केले तसेच श्रो छत्रपती शिवाजी महाविद्यालयातील एनसीसी ला प्रवेश घेण्यास सांगितले. त्यांच्या इच्छेप्रमाणे मोठा मुलगा हवलदार बनला.परंतु शुभमने भारतीय सैन्यदलातच भरती व्हावे व देशाची सेवा करावी अशी त्यांची इच्छा होती.हे त्याने सिद्ध करून दाखवले.त्याच्या सत्कारप्रसंगी प्राचार्यांनी मार्गदर्शन करताना इतर कॅडेटसनी पण यशस्वी कॅडेटसचा आदर्श घेऊन या पुढे होणाऱ्या सर्व वेगवेगळ्या विभागातील पोलीस,सैन्यदल, बीएसएफ,सीआरपीएफ , आसाम रायफलस,आयटीबीपी भरतीची तयारी करून महाविद्यालयातील स्पर्धा परीक्षा,पोलीस,आर्मी पूर्व प्रशिक्षण,करिअर कट्टा स्पर्धा मार्गदर्शन केंद्रात प्रवेश घेऊन आपले जीवन सार्थकी लावावे असे आव्हान केले.या सत्कार समयी डॉ पद्माकर पिटले,डॉ अशोक पदमपल्ले,डॉ विनोद देवरकर,कॅप्टन डॉ ज्ञानेश्वर चिट्टमपल्ले ,डॉ व्यंकट सुर्यवंशी,डॉ सूर्यकांत रेवते,डॉ धनराज इटले,प्राध्यापक, कॅडेट्स उपस्थित होते .