वाशी (प्रतिनिधी)- महाराष्ट्र लोकसेवा आयोगामार्फत घेण्यात आलेल्या विभागीय स्पर्धा परीक्षेत दैवशाला शिवाजी शिंदे यांची उपशिक्षणाधिकारीपदी निवड झाली आहे. त्यांचे माहेर वाशी येथे असून स्थानिक पातळीवरून त्यांना मोठा पाठिंबा आणि प्रोत्साहन लाभले होते.
सन 2017 मध्ये घेण्यात आलेल्या या परीक्षेचा निकाल पूर्वीच जाहीर झाला होता. मात्र निकालासंदर्भात दाखल झालेल्या रिट याचिकेमुळे हा निकाल न्यायालयीन प्रक्रियेत रखडला होता. अलीकडे सर्वोच्च न्यायालयाने अंशतः निकाल जाहीर करण्यास परवानगी दिल्यानंतर लोकसेवा आयोगाने पात्र उमेदवारांची अंशतः अंतिम यादी प्रसिद्ध केली आहे. या यादीत दैवशाला शिंदे यांची अधिकृत निवड घोषित झाली आहे. दैवशाला यांच्या या उल्लेखनीय यशामुळे वाशी शहरात आनंदाचे वातावरण असून शुभेच्छांचा वर्षाव होत आहे.