तुळजापूर (प्रतिनिधी)- ‘सैराट' या प्रसिद्ध मराठी चित्रपटातील परश्या म्हणून घराघरात लोकप्रिय झालेले अभिनेते आकाश ठोसर यांनी आज सकाळी श्री तुळजाभवानी देवींचे दर्शन घेतले.
आकाश ठोसर यांनी परंपरेनुसार श्री तुळजाभवानी देवींची ओटी भरली. तसेच मनोभावे आरती करत देवीचे दर्शन घेतले. श्री तुळजाभवानी मंदिर संस्थानच्या वतीने सहायक जनसंपर्क अधिकारी उमाकांत क्षीरसागर यांनी आकाश ठोसर यांचा श्री तुळजाभवानी देवींची प्रतिमा भेट देऊन सन्मान केला. यावेळी मंदिर संस्थानचे कर्मचारी उपस्थित होते.