धाराशिव (प्रतिनिधी)- महात्मा फुले यांच्या स्मृती दिनानिमित्त धाराशिव येथे डॉ. बाबासाहेब आंबेडकर विचारमंचच्या वतीने माता रमाई, कला, वाणिज्य, विज्ञान महाविद्यालय गोरे कॉम्पलेक्स धाराशिव येथे व्याख्यानाचे आयोजन करण्यात आले होते. प्रमुख पाहूणे रविंद राऊत चिखलीकर व कार्यक्रमाचे अध्यक्ष डॉ. मधुकर सोनवणे (माजी संचालक, पशुवैद्यकीय विभाग) यांच्या हस्ते महात्मा फुले यांच्या प्रतिमेस पुष्पहार करुन अभिवादन करण्यात आले. डॉ. मधुकर सोनवणे यांचे स्वागत पुष्पगुच्छ देवून डॉ. बाबासाहेब आंबेडकर समाजभूषण प्राप्त विजय गायकवाड यांनी केले. व्याख्याते रविंद्र राऊत चिखलीकर यांचे स्वागत पुष्पगुच्छ देवून विजयकुमार दणाणे व मिलींद जानराव यांनी केले. गुणवंत विद्यार्थीनी प्रज्ञा भोसले व मृणाली पाटील यांचा पुष्पगुच्छ देवून डॉ. बाबासाहेब आंबेडकर विचारमंचचे अध्यक्ष प्रा. रवि सुरवसे व विचारमंचच्या त्रिशाला ठाणअंबिर यांचा सत्कार केला.
यावेळी बोलताना रविंद्र राऊत म्हणाले की, महात्मा फुले यांनी पुण्यामध्ये स्त्री शिक्षणाची पहिली शाळा सुरु करुन स्त्री शिक्षणाचे द्वारे स्त्रियांना खुली केली. महात्मा फुले हे कृतिशील सुधारक होते. डॉ. बाबासाहेब आंबेडकर यांनी म्हणूनच महात्मा फुल्यांच्या विचारांनी जीवनात वाटचाल केली आहे. महात्मा फुले यांनी धर्म, धर्मग्रंथ, समाजातच्या अंधश्रध्दा, दैववाद, जातीभेद याची चिकित्सा केली व शुद्र, अतिशुद्रांना मानव अधिकाराच्या प्रती जागरुक केले. शेतकऱ्यांच्या प्रश्नाविषयी त्यांनी वाचा फोडली. शिक्षणास महत्वाचे स्थान आहे असे सांगितले. विद्येवीन मती गेली, मतीवीन मिती गेली. निती विना गती गेली, गतिविना वित्त गेले. वित्तविना शुद्र खचले इतके अनर्थ एका अविध्येने केले असे त्यांनी सांगितले.
अध्यक्षीय समारोप करताना मधुकर सोनवणे म्हणाले की, महात्मा फुलेंनी गुलामगिरी, सत्यशोधक समाज, शेतकऱ्यांचा सुड यातून व्यवस्थेवर आसूड ओढले आहेत व समाजास नवीन दिशा दिली आहे. तोच विचार डॉ. बाबासाहेब आंबेडकरांनी आचरणात आणला आहे. कार्यक्रमाचे सुत्रंसचालन राजेंद्र अंगरखे यांनी केले. कार्यक्रमाचे प्रास्ताविक रत्नाकर मस्के यांनी केले. कार्यक्रमाचे आभार बलभीम ओव्हाळ यांनी मांडले. कार्यक्रमास निशा ठोकळ, रमेश कांबळे, प्रा. महेंद्र चंदनशिवे, बलभीम कांबळे, ॲङ अनुरथ नागटिळक, अमोल गडबडे, एम.जी. पवार, ज्ञानपाल डांगे, प्रा. बलभीम ओव्हाळ, प्रा. संजय मिसाळ, टी.एन. काझी, प्रा. अंबादास कलासरे, श्रीमंत पालके, प्रदिप शिंदे, राहूल जगताप, प्रा. राम चंदनशिवे, बाळासाहेब माने व शहरातील नागरिकांची मोठया संख्येने उपस्थिती होती.