भूम (प्रतिनिधी)- शारदीय नवरात्र उत्सवानिमित्त भूम शहरातील कसबा विभागातील कसबा सार्वजनिक महिला मंडळाच्या वतीने नवरात्र निमित्त नवरात्र स्थापनेपासून ते कोजागिरी पौर्णिमेनिमित्त महिलांसाठी विविध कार्यक्रमाचे आयोजन करण्यात येते. माजी नगराध्यक्ष संयोगिता गाढवे यांच्या मार्गदर्शनाखाली कसबा विभागातील महिला एकत्र येत नवरात्र उत्सव साजरा करतात.
याकसबा सार्वजनिक महिला मंडळाच्या नवरात्र उत्सवाला यावर्षी 15 पंधरा वर्ष पूर्ण होत आहेत .त्यानिमित्त यावर्षी विविध असे सांस्कृतिक व महिलांमधील सुप्त गुणांना वाव मिळण्यासाठी महिलांची वेशभूषा,भारुडाचे कार्यक्रम ,कॉमेडी कार्यक्रम,महिलांचा डान्स ,महिलांना जागृत करण्यासाठी बचत गटामध्ये चालत असणाऱ्या माहिती विषयी जनजागृती नाटकाच्या माध्यमातून करण्यात आली .व मुलना व मुलींना व्यासपीठ उपलब्ध करून देण्यासाठी विविध कार्यक्रम या दहा दिवसाच्या कार्यकाळामध्ये घेण्यात आले .
लहान व मोठ्या मुलांच्या हस्ताक्षर स्पर्धा, 2 ते 30 पाढे पाठांतर ,धावणे ,बेडूक उडी ,लिंबू चमचा ,नृत्य स्पर्धा ,वेशभूषा स्पर्धा घेण्यात आल्या .लहान मुलांच्या स्पर्धेचे आयोजन अमृता वैद्य यांच्याकडे होते .महिलांचा गरबा खेळण्याचा कार्यक्रम रोज होत आहे यासाठी सुस्मिता डगळे तिचा देखील यात मोलाचा वाटा होता .ज्योती डुंगरवाल परीक्षक म्हणून उपस्थित होत्या .कोजागिरी पौर्णिमे दिवशी सर्व महिला एकत्र येत गरबा खेळतात .त्यानंतर दुधाचा प्रसाद होतो .कार्यक्रमाची समाप्ती होते.या नवरात्र उत्सवाच्या कार्यकाळात कसबा विभागातील सर्व महिला एकत्र येत सहकार्य करत शारदीय नवरात्रोत्सवाचा कार्यक्रम यशस्वी करतात .
शारदीय नवरात्रोत्सवात देवीची स्थापना केल्यापासून मुलांना व मुलींना तसेच महिलांना स्टेज उपलब्ध करून महिलांच्या सुप्त गुणांना वाव मिळण्यासाठी व एक चांगला संदेश देण्याचा प्रयत्न या नवरात्रोत्सवाच्या माध्यमातून आम्ही करतो.
संयोगिता गाढवे
माजी नगराध्यक्षा भूम.