धाराशिव (प्रतिनिधी)- महाराष्ट्राची कुलस्वामिनी श्री तुळजाभवानी देवीच्या सिंहासन पूजेची नोव्हेंबर - 2025 मधील नोंदणी प्रक्रिया ऑनलाईन पद्धतीने करण्यात येते.भाविकांनी अधिकृत संकेतस्थळावरून आपली नोंदणी करावी. असे आवाहन मंदिर संस्थानने केले आहे.
महाराष्ट्रासह आंध्रप्रदेश,कर्नाटक, तेलंगणा आणि इतर राज्यांमधून मोठ्या संख्येने भाविक कुलाचार व कुलधर्मासाठी तुळजापूरला येतात.श्री तुळजाभवानी देवीची सिंहासन पूजा ही अत्यंत श्रद्धेने केली जाणारी पूजा असून,तिच्या नोंदणीसाठी <http://shrituljabhavani.org/> या अधिकृत संकेतस्थळावर ‘सिंहासन पूजा पास बुकिंग' या मेन्यूवर क्लिक करून, <https://shrituljabhavanimataseva.org/> या लिंकवर जाऊन नोंदणी करता येईल.
नोंदणीचे वेळापत्रक खालीलप्रमाणे आहे.नोंदणी कालावधी : 20 ऑक्टोबर 2025 सकाळी 10 वाजता ते 25 ऑक्टोबर सकाळी 10 वाजेपर्यंत.प्रथम सोडतीचे ऑनलाईन पेमेंट : 27 ऑक्टोबर रोजी सकाळी 11 वाजता एसएमएसद्वारे कळविण्यात येईल.प्रथम फेरीचे ऑनलाईन पेमेंट 27 ऑक्टोबर सकाळी 11 ते 28 सप्टेंबर सकाळी 10 वाजेपर्यंत राहील.
सिंहासन संख्या पूर्ण न झाल्यास ऑनलाईन ड्रॉ पध्दतीने व्दितीय सोडत व भाविकांना पेमेंटसाठी एसएमएस पाठविणे : 28 ऑक्टोबर रोजी सकाळी 11 वाजता. व्दितीय फेरीचे ऑनलाईन पेमेंट : 28 ऑक्टोबर सकाळी 11 ते 29 ऑक्टोबर सकाळी 10 वाजेपर्यंत. तृतीय सोडत 29 मे रोजी सकाळी 11 वाजता. तृतीय फेरीचे ऑनलाईन पेमेंट : 29 ऑक्टोबर सकाळी 11 ते 30 ऑक्टोबर सकाळी 10 वाजेपर्यंत. अंतीम यादी प्रसिद्धी : 30 ऑक्टोबर 2025 रोजी सायंकाळी 5 वाजेपर्यंत राहणार आहे.
सर्व भाविक भक्त,महंत,पुजारी, सेवेकरी आणि नागरिकांनी वरीलप्रमाणे सिंहासन पूजेच्या नोंदणीची माहिती लक्षात घेऊन वेळेत नोंदणी करावी,असे आवाहन श्री तुळजाभवानी मंदिर संस्थानचे तहसीलदार तथा व्यवस्थापक (प्रशासन) यांनी केले आहे.