धाराशिव (प्रतिनिधी) - श्री आई तुळजाभवानी, श्री निमजाई देवी व श्री भगवंत यांच्या कृपेने निमजाई न्युएरा प्रा. लि., धाराशिव या कारखान्याचा सन 2025-2026 च्या गळीत हंगामाचा बॉयलर अग्निप्रदिपन समारंभ गुरुवार, दि. 16 ऑक्टोबर रोजी सकाळी 11 वाजता शुभ मुहूर्तावर पार पडणार आहे.
या प्रसंगी समारंभाचे अग्निप्रदिपन ह.भ.प. विवेकानंद भाऊसाहेब बोधले महाराज (धामनगाव) यांच्या हस्ते होणार असून, हा कार्यक्रम सोलापूर जिल्ह्यातील बार्शी तालुक्यातील हत्तीज येथील वैराग-सारोळा रोड येथे होणार आहे. कारखान्याचे संचालक चित्रसेन शुरसेन राजेनिंबाळकर, मकरंद शुरसेन राजेनिंबाळकर, ऋषिकेश शुरसेन राजेनिंबाळकर व मणजीत सयाजीराव देशमुख यांनी केले आहे. त्यामुळे जास्तीत जास्त शेतकरी व हितचिंतक यांनी मंगल प्रसंगी उपस्थित राहून आशीर्वाद द्यावा, असे आवाहन केले आहे.