धाराशिव (प्रतिनिधी)- “तुळजापुर शायदीय नवरात्र उत्सवादरम्यान दरोडयाचे तयारीत असणाऱ्या आरोपींना स्थानिक गुन्हे शाखेच्या पथकाने नळदुर्ग-तुळजापूर बायपास रोडवर जेरबंद केले आहे.
याबाबत अधिक माहिती अशी की, तुळजापुर शारदीय नवरात्र महोत्सव निमित्त स्थानिक गुन्हा शाखेचे पथक तुळजापुर शहरात गर्दीचे ठिकाणी पायी पेट्रोलिंग करीत असताना पथकास गोपनिय बातमीदारामार्फत बातमी मिळाली की, नळदुर्ग ते तुळजापुर जाणारे बायपास रोडवर एका पांढरे रंगाच्या चारचाकी वाहनामध्ये काही इसम दरोडा टाकण्याचे तयारीत थांबलेले आहेत अशी माहिती मिळाली. त्यानुसार नळदुर्ग ते तुळजापुर जाणारे बायपास रोडवर स्थानिक गुन्हा शाखेचे पथक गेले असता तेथे त्यांना एक पांढरे रंगाची स्वीफट कार क्र. एम. एच. 11 एके 9621 ही दिसली. त्या गाडीवर पथकाने घेरून पळून जाण्याच्या तयारी असणाऱ्या आरोपींना लगेच पकडले. तसेच कारमधील असलेले तिघांनाही पकडुन त्या पाच इसमाना त्यांचे नाव गाव व सदर ठिकाणी थांबण्याचे कारण विचारले असता त्यांनी सुरवातील उडवाउडवीचे उत्तरे दिली. त्यानंतर त्यांना अधिक विश्वासात घेवुन विचारपुस केली असता त्या सर्वांनी आपली नावे रोहीत ऊर्फ तात्या अंकुश गायकवाड वय 36 वर्षे रा. सुभाष कॉलनी बीड, अमर आसाराम गायकवाड वय 23 वर्षे रा. नळवंडी नाका बीड, राजेश अभिमान जाधव वय 27 वर्षे रा. च-हाटा, ता. जि. बीड, राजाभाऊ ज्ञानदेव यादव वय 25 वर्षे रा. वांगी ता. जि. बीड, प्रशांत दिलीप डाके वय 25 वर्षे रा. स्वराज्य नगर बीड असे सांगीतले. त्यांचे नावाची ई अभिलेखावरून पाहणी केली असता त्यांचेपैकी काही जणावर दरोडयाची तयारी, चोरी, खुन, असे मालाविषयीचे व शरीराविरुध्द चे गंभीर स्वरूपाचे गुन्हे दाखल असल्याची माहिती मिळाली. नमुद इसमांचा संशय आल्याने त्यांच्या कारची पाहणी केली असता कारमध्ये दरोडा टाकण्याचे साहित्य एक लोखंडी धारदार कोयता मिळुन आला. त्या सर्वांना ताब्यात घेवुन त्यांचेवर तुळजापुर पोलीस ठाणे येथे गुन्हा दाखल केला आहे.
सदरची कामगिरी पोलीस अधिक्षक रितु खोखर व अपर पोलीस अधिक्षक शफकत आमना यांचे मार्गदर्शनाखाली स्थानिक गुन्हे शाखेचे पोलीस निरीक्षक विनोद इज्जपवार, सपोनि अमोल मोरे, सपोनि सचिन खटके, पोहेकॉ विनोद जानराव, समाधान वाघमारे, अमोल निंबाळकर, दत्ता राठोड, दया गादेकर, नितीन जाधवर, पोना बबन जाधवर, मपोह- 1327 शोभा बांगर, बीड स्थानिक गुन्हे शाखा येथील पोकॉ-438 यादव पोकॉ- 1055 आंधळे, चापोह- महेबुब अरब, सुभाष चौरे, विनायक दहीहंडे यांचे पथकाने केली आहे.