नळदुर्ग (प्रतिनिधी)- नळदुर्ग सारख्या ऐतिहासिक शहरात हिंदू मुस्लिम बांधवांनी गणेशोत्सव आणि ईद-ए-मिलादचा सण शांततेत आणि एकता, समता,बंधुता अबाधित ठेवून साजरे करावे आणि या शहराचा आदर्श इतरांना दाखवून द्यावा. पोलिस प्रशासनाला सहकार्य करावे, असे आवाहन उपविभागीय पोलीस अधिकारी डॉ. निलेश देशमुख यांनी येथील आयोजित शांतता कमिटीच्या बैठकीत केले.
नळदुर्ग येथे नुकतीच गणेश उत्सव व ईद ए मिलाद उत्सवा निमीत्त महत्वपूर्ण शांतता बैठकीचे आयोजन करण्यात आले होते या वेळी ते बोलत होते. यावेळी नळदुर्ग ठाण्याचे पोलिस निरीक्षक सचिन यादव, सहाय्यक पोलीस निरीक्षक नंदकिशोर सोळुंके उपस्थित होते. ते पुढे म्हणाले की, नळदुर्ग शहरातल्या टवाळखोर टोळक्यावर आणि पुंगळी काढलेल्या मोटार सायकल स्वारांवर कारवाई करून त्याची पुंगी वाजणार यामध्ये कॉलेज रोड रोड रोमियो व बस स्थानक परिसरात टवाळखोरी करणाऱ्या तरुणावर पोलीसांची करडी नजर राहणार आहे. एम एस ई बी विभागाने दोन्ही उत्सवात शहरात कोणत्या भागात आडथळा निर्माण होतो त्या ठिकाणचा अडथळा दुर करणे, शिवाय नगर परिषदेने शहरातल्या दोन्ही उत्सवाना आडथाळा निर्माण होणारी रस्त्यावरील अतिक्रमणे दुर करणे या सोयी उपलब्ध करून दयाव्यात. किल्ल्यातील पर्यंटकांवर कुठल्याही ही प्रकारचा अनुचित प्रकार घडू नये यासाठी खबरदारी घेतली जाणार आहे. असे ही त्यांनी यावेळी बोलताना सांगितले.
या बैठकीत माजी नगराध्यक्ष शहबाज काझी, नगराध्यक्ष दत्तात्रय दासकर, माजी नगरसेवक कमलाकर चव्हाण, माजी उपाध्यक्ष शफी भाई शेख, माजी नगरसेवक विनायक अहंकारी , शिवसनेचे संतोष पुदाले पत्रकार आयूब शेख पत्रकार शोएब काझी आदीनी आपले मनोगत व्यक्त केले. यावेळी माजी नगराध्यक्ष मुस्ताक कुरेशी, माजी नगरसेवक इमाम शेख, भाजपाचे शहराध्यक्ष बसवराज धरणे, सामाजिक कार्यकर्ते अजहर जागीरदा, जेष्ठ पत्रकार विलास येडगे, एम एसईबीचे अभियंता दाऊत तगारे, नगर परिषदेचे कार्यालयीन अधिक्षक खलील शेख, सरदारसिंग ठाकुर, ग्रामीण रुग्णालयाचे गजानन धावारे, शायन काझी, पत्रकार दादासाहेब बनसोडे, आबेद कुरेशी, इद ई मिलाद कमीटीचे अध्यक्ष नियमात हाफिज शहा हुसेन इनामदार, सलीम दाऊद शेख, वजाहत काझी, बकर सालार, सलीम आयुब शेख, लिंबु दादा समीर राजेशा, आदील बागवान, अजहर शेख सह गणेश मंडळ व ईद ए मिलाद उत्सव कमीटीचे पदाधिकारी कार्यकर्ते मोठ्या संख्येने उपस्थित होते. कार्यक्रमाचे सूत्रसंचाल भैरवनाथ कानडे यांनी केले.