धाराशिव (प्रतिनिधी)- येथील श्री स्वामी विवेकानंद शिक्षण संस्था कोल्हापूर संचलित, रामकृष्ण परमहंस महाविद्यालयात डॉ. बाबासाहेब आंबेडकर मराठवाडा विद्यापीठाचा 67 वा वर्धापन दिन महाविद्यालयाचे प्रभारी प्राचार्य डॉ. संदीप देशमुख,यांच्या मार्गदर्शनाखाली उत्साहात साजरा करण्यात आला. यावेळी डॉ. संदीप देशमुख यांच्या शुभहस्ते विद्यापीठाचा ध्वज फडकावून ध्वजारोहण करण्यात आले .
याप्रसंगी सर्वप्रथम शिक्षणमहर्षी डॉ. बापूजी साळुंखे आणि संस्थामाता सुशीला देवी साळुंखे यांच्या पुतळ्याला पुष्पहार अर्पण करून डॉ.बाबासाहेब आंबेडकर यांच्या प्रतिमेचे महाविद्यालयाचे प्रभारी प्राचार्य, डॉ.संदीप देशमुख यांच्या शुभहस्ते पूजन करण्यात आले.यावेळी डॉ.संदीप देशमुख यांनी विद्यापीठ वर्धापन दिनाच्या शुभेच्छा देताना विद्यापीठ स्थापनेचा इतिहास यावर प्रकाश टाकण्याचा प्रयत्न केला.आणि उपस्थित सर्व गुरुदेव कार्यकर्त्यांना आणि विद्यार्थ्यांना शुभेच्छा देण्यात आल्या.
यावेळी कनिष्ठ विभागाचे उपप्राचार्य बबन सूर्यवंशी, सांस्कृतिक विभाग प्रमुख, प्राध्यापक विवेकानंद चव्हाण,जिमखाना विभाग प्रमुख प्राध्यापक राजा जगताप,जिमखाना विभाग प्रमुख कनिष्ठ विभाग,प्राध्यापक सचिन चव्हाण,प्रसिद्धीप्रमुख डॉ.मारुती अभिमान लोंढे ,आदीसह सर्व गुरुदेव कार्यकर्ते आणि मोठ्या संख्येने विद्यार्थी उपस्थित होते. सदर कार्यक्रम यशस्वी होण्यासाठी वरिष्ठ विभागाचे स्टाफ सेक्रेटरी डॉ.बालाजी गुंड आदीसह सर्व गुरुदेव कार्यकर्ते यांनी परिश्रम घेतले.