भूम (प्रतिनिधी)- नेहरू युवा केंद्र धाराशिव व जनविकास सामाजिक बहुउद्देशीय संस्था भूम च्या संयुक्त विद्यमाने माणकेश्वर येथील लोकमान्य माध्यमिक व उच्च माध्यमिक महाविद्यालयाच्या प्रांगणात जिल्हास्तरीय क्रिडा स्पर्धेचे दिं. 20 मार्च 2025 रोजी आयोजन करण्यात आले होते.
यामध्ये विविध गावातील परिसरातील युवकानीं , कॉलेज मधील युवतीनी सहभागी होऊन यश संपादन केले. या जिल्हास्तरीय क्रिडा स्पर्धेत सांघिक व वैयक्तिक खेळ घेण्यात आले यात खो- खो, कब्बडी, गोळा फेक, 100 मीटर धावणे स्पर्धेतील विजेत्या संघाना सन्मानचिन्ह व प्रमाणपत्र देऊन गौरविण्यात आले.
स्पर्धेचे बक्षीस वितरण दिं. 24 मार्च रोजी सावित्रीबाई फुले यांच्या प्रतिमेस पुष्प अर्पण व श्रीफळ फोडून अभिवादन करुन करण्यात आले. या स्पर्धेसाठी महाविद्यालयाचे क्रीडाशिक्षक धगेंकर,ज्येष्ठ शिक्षक मसलकर, लोमटे, ढाकणे यांचे विशेष सहकार्य लाभले. तसेच प्रशालेतील सर्व शिक्षक व शिक्षकेतर कर्मचारी उपस्थित होते. या जिल्हास्तरीय क्रिडा स्पर्धेतील विजेत्यांचे बक्षीस वितरण समारंभ कार्यक्रमाचे सूत्रसंचालन जनविकास सामाजिक बहुउद्देशीय संस्था कार्यवाहक प्रदीप साठे यांनी केल.े तर आभार किसन अंधारे यांनी मानले.