भूम (प्रतिनिधी)- येथील शंकरराव पाटील कनिष्ठ महाविद्यालय येथे शिवजयंती उत्साहात साजरी करण्यात आली. या प्रसंगी शिवाजी महाराज या विषयावर चित्रकला स्पर्धा, वक्तृत्व स्पर्धा आणि व्याख्यानाचे आयोजन करण्यात आले होते.
चित्रकला स्पर्धेत प्रथम क्रमांक कु.धनश्री कुलकर्णी,द्वितीय क्रमांक कू.तेजस्विनी पायाळ व तृतीय क्रमांक प्रथमेश जगदाळे याने पटकावला. तसेच वक्तृत्व स्पर्धेत प्रथम क्रमांक कू.उंबरे श्रुती,द्वितीय क्रमांक कू.रोशनी मिसाळ व तृतीय क्रमांक कू. संस्कृती पाटील हिने पटकावला. सदर कार्यक्रमाचे अध्यक्ष स्थान कनिष्ठ महाविद्यालयाचे प्राचार्य प्रा संतोष शिंदे यांनी भूषवले, कार्यक्रमाचे सूत्रसंचालन प्रा राठोड एम पी आणि प्रा धनश्री पिंपरे यांनी केले. कार्यक्रमाचे प्रास्ताविक प्रा. दिपाली चव्हाण यांनी केले.प्रमुख व्याख्याते म्हणून डॉ नंदकिशोर जगदाळे उपस्थित होते तसेच वरिष्ठ महाविद्यालयाचे प्राचार्य डॉ डी व्हि शिंदे, डॉ तानाजी बोराडे, डॉ के जी गव्हाणे, ग्रंथपाल प्रा हरी महामुनी यांच्यासह शंकरराव पाटील कनिष्ठ व वरिष्ठ महाविद्यालयाचे सर्व कर्मचारी उपस्थित होते.