धाराशिव (प्रतिनिधी)- धाराशिव पोलिस दलात मोठे फेरबद्दल करण्यात आले असून, पोलिस अधीक्षक संजय जाधव यांनी ठाणे प्रभारी यांच्या बदल्या केल्या आहेत. परंडा येथील पोलिस निरीक्षक इज्जपवार हे स्थानिक गुन्हे शाखेचे पोलिस निरीक्षक असणार आहेत.
तुळजापूर येथील पोलिस निरीक्षक रविंद्र खांडेकर यांची धाराशिव आनंदनगर येथे बदली केली आहे. तर त्यांच्या जागी तुळजापूर येथे आनंदनगरचे पोलिस निरीक्षक मांजरे यांची नियुक्ती केली आहे. येरमाळा येथील सहाय्यक पोलिस निरीक्षक महेश क्षीरसागर यांची नियंत्रण कक्षात बदली केली असून, त्यांच्या जागी तात्याराव भालेराव हे नियुक्त केले आहेत. लोहारा येथील चिंतले यांची नियंत्रण कक्षात, स्थानिक गुन्हे शाखेचे वासुदेव मोरे यांची परंडा येथे बदली करण्यात आली आहे.सायबर विभागाचे पोलिस निरीक्षक यादव यांची नळदुर्ग येथे तर नळदुर्ग येथभल सरोदे यांची सायबर विभागात बदली केली आहे. या नियमित बदल्या असल्याचे पोलिस विभागाकडून सांगण्यात येत आहे.