धाराशिव (प्रतिनिधी)- धाराशिव पोलीस दलातील पोलीसांच्या कार्यास प्रोत्साहन देण्यासाठी पोलीस अधीक्षक संजय जाधव यांच्या संकल्पनेतून श्री. तुळजाभवानी मातेचा नवरात्र उत्सव हा शांततेत व सुव्यवस्थेत पार पाडल्याने. तसेच धाराशिव जिल्ह्यातील खुन, खुनाचा प्रयत्न, दरोडा, घरफोडी, ऑपरेशन मुस्कान अंतर्गत 3 मुलींचा शोध या सारख्या गुन्ह्याचा उत्कृष्ट तपास करुन गुन्हे उघडकीस आणणे अशा मुद्यांतर्गत उल्लेखनिय कामगिरी करणाऱ्या पोलीस अधिकारी-उपविभागीय पोलीस अधिकारी यांचा विशेष सत्कार करण्यात आला.
यामध्ये उपविभागीय पोलिस अधिकारी निलेश देशमुख, पोलीस निरीक्षक भुजबळ, वासुदेव मोरे, खांडेकर, अश्विनी भोसले, सहाय्यक पोलीस निरीक्षक खरड, बेंद्रे, चास्कर, अमोल मोरे, सचिन खटके, सुदर्शन कासार, भालेराव, तायवाडे असे पोलीस अधिकारी व अंमलदार यांचा दि. 10/01/2025 रोजी पोलीस अधीक्षक, कार्यालय येथील मिटींग हॉल येथे पोलीस अधीक्षक संजय जाधव यांच्या हस्ते सन्मानचिन्ह व प्रशस्तीपत्र देऊन सत्कार करण्यात आला. यावेळी अपर पोलीस अधीक्षक गौहर हसन यांसह पोलीस अधिकारी- अंमलदार उपस्थित होते.