धाराशिव (प्रतिनिधी)-धाराशिव जिल्ह्यातील हद्दीमध्ये सन 2023-2024 मध्ये चोरीस गेलेल्या, हरवलेल्या मोबाईलच्या तक्रारी पोलीसांनी CEIR(Central Equipment Identity Register) या पोर्टलवर अपलोड केल्या होत्या. त्यापैकी एकुण 30 मोबाईल (4 लाख 70 हजार 431 रूपये किंमतीचे) शोधून काढण्यात धाराशिव पोलीसांना यश आले आहे. दि. 29.01.2025 रोजी  विशेष पोलीस महानिरीक्षक, छत्रपती संभाजीनगर परिक्षेत्र, संभाजीनगर  विरेंद्र मिश्र यांच्या हस्ते पोलीस अधिक्षक संजय जाधव व अप्पर पोलीस अधीक्षक गौहर हसन यांच्या उपस्थितीत फिर्यादींना परत करण्यात आले. त्यावेळी हरवलेले मोबाईल परत मिळाल्यामुळे फिर्यादींनी पोलीसांचे आभार मानुन समाधान व्यक्त केले आहे.

सदरची  कामगिरी ही  पोलीस अधीक्षक संजय जाधव, अपर पोलीस अधीक्षक गौहर हसन यांच्या मार्गदर्शनाखाली सायबर पोलीस ठाण्याचे पोलीस निरीक्षक सचिन यादव, सहाय्यक पोलीस निरीक्षक सुरेश कासुळे, सफौ कुलकर्णी, पोलीस हावलदार- हालसे, नाईकवाडी, महिला पोलीस नाईक पौळ, पोलीस अमंलदार जाधवर,भोसले, मोरे, भोसले, तिळगुळे, कदम, काझी, सुर्यवंशी, महिला पोलीस अमंलदार खांडेकर, शेख  यांच्या पथकाने केली आहे.

सर्व नागरिकांना धाराशिव पोलीस दलातर्फे आवाहन करण्यात येते की, मोबाईल चोरी झाला किंवा हरवला तर जवळच्या पोलीस ठाणेस तक्रार नोंद करावी. त्यांनतर केंद्र सरकारच्या दुरसंचार व दळणवळण विभागाने सुरु केलेल्या <https://www.ceir.gov.in/>  या वेबसाईटवर पोलीस ठाणेची फिर्याद व स्वत:चे आधार कार्ड अपलोड करुन ऑनलाईन तक्रार नोंद करावी किंवा सायबर पोलीस ठाणे धाराशिव येथे संपर्क करावा.


 
Top