धाराशिव (प्रतिनिधी)- 07 डिसेंबर रोजी जिल्हाधिकारी मैनक घोष यांनी तुळजाभवानी मंदिर विकासकामांची आढावा बैठक श्रीतुळजाभवानी मंदिर संस्थान, तुळजापूर येथे घेतली घेतली.
यावेळी त्यांनी या विविध टप्प्यांमध्ये होणाऱ्या विकासकामांबद्दल संपूर्ण माहिती जाणून घेऊन पुरातत्व विभाग, मंदिर प्रशासन तसेच संबंधित कंत्राटदारांना सूचना दिल्या. महाद्वाराचे स्ट्रक्चरल ऑडिट लवकरात लवकर पूर्ण करून अहवाल सादर करण्याविषयी सांगितले. बैठकीस देवस्थानच्या तहसीलदार तथा व्यवस्थापक माया माने, तुळजापूर नगरपालिकेचे कार्यकारी अभियंता श्रीकांत खाडे, श्री तुळजाभवानी मंदिर संस्थानचे स्थापत्य अभियंता राजकुमार भोसले तसेच संबंधित कंत्राटदार साईप्रेम कन्स्ट्रक्शन्स व सवाणी कन्स्ट्रक्शन्स चे प्रतिनिधी हे उपस्थित होते. पुरातत्व विभाग संभाजी नगर विभागाचे सहाय्यक संचालक हे या बैठकीस ऑनलाइन मीटिंग द्वारे उपस्थित होते.