धाराशिव (प्रतिनिधी)- एका 3 वर्षाच्या अल्पवयीन मुलीवर 21 वर्षाच्या मुलाने बलात्कार केल्याची घटना घडली असून, पोलिसांनी वृंदावन कॉलनी, आनंद नगर, धाराशिव येथील आरोपी निश्चल मधुकर बोंदर याला अटक केली आहे. आरोपीने ओळखीचा फायदा घेत घरी खेळण्यासाठी आलेल्या एका अल्पवयीन मुलीवर बलात्कार केला. मुलीला पोटदुखीच त्रास झाल्याने तिने ही घटना आईला सांगितली. त्यानंतर हा प्रकार उघड झाला. पीडितेच्या आईच्या तक्रारीवरून पोलिसात गुन्हा नोंद केला आहे.
भारतीय न्याय संहिता 64,64(2) (1), 64 (2), बालकांचे लैंगिक अपराधापासून संरक्षण अधिनियम 2012 चे कलम 4,6,8,12 नुसार गुन्हा नोंद करण्यात आला आहे. या गुन्ह्याचा पुढील तपास सहाय्यक पोलिस निरीक्षक शैलेश जाधव हे करीत आहेत. आरोपीला 7 दिवसांची पोलिस कोठडी मिळाली आहे.