तेर (प्रतिनिधी)- धाराशिव तालुक्यातील तेर येथील जिल्हा परिषद कन्या प्राथमिक शाळेत पालक सभा शाळा व्यवस्थापन समितीचे अध्यक्ष काकासाहेब मगर यांच्या अध्यक्षतेखाली घेण्यात आली.
शाळेच्या मुख्याध्यापिका सुरेखा कदम यांनी प्रास्ताविकातून 100% उपस्थिती व गुणवत्ता विकास करण्यासाठी पालकांचा सक्रीय सहभाग अपेक्षित आहे असे पालकांना आवाहन केले.प्रथम सत्र परीक्षा व निकाल याबाबत सहशिक्षक मालोजी वाघमारे यांनी चर्चा केली. सहशिक्षक सुशील क्षीरसागर यांनी शाळेच्या शैक्षणिक सहलीचा प्रस्ताव मांडला व सहलीचे नियोजन सांगितले. सहशिक्षक काशिनाथ नरसाळे यांनी उपस्थित पालकांचे आभार मानले.यावेळी शाळा व्यवस्थापन समितीच्या उपाध्यक्षा.वर्षा फासे,शालू वतारी,.नारायण साळुंके व पालक उपस्थित होते. शाळेतील प्रतिभा जोगदंड, पल्लवी पवार, ज्योती गाढवे,किरण फंड यांच्या सक्रीय सहभागाने पालक सभा संपन्न झाली.