नळदुर्ग (प्रतिनिधी)- तुळजापुर विधानसभा मतदार संघातील महायुतीचे उमेदवार आमदार राणाजगजितसिंह पाटील यांच्या प्रचारार्थ नळदुर्ग शहर भाजयुमोच्या वतीने भव्य मोटारसायकल रॅली काढण्यात आली.
तुळजापुर विधानसभा मतदार संघातील महायुतीचे उमेदवार आमदार राणाजगजितसिंह पाटील यांच्या प्रचारार्थ दि. 11 नोव्हेंबर रोजी सायंकाळी सहा वाजता नळदुर्ग शहरात भाजयुमोच्या वतीने भव्य मोटार सायकल रॅली काढण्यात आली. या रॅलीचा शुभारंभ राष्ट्रीय महामार्गालगत असलेल्या व्यासनगर येथील श्री उत्तरेश्वर महादेव मंदिरात भाजयुमोचे जिल्हाध्यक्ष राजसिंह निंबाळकर यांच्या हस्ते नारळ फोडुन करण्यात आला. ही रॅली बसस्थानक,शास्त्री चौक, भवानी चौक,ब्राम्हण गल्ली, धर्मवीर संभाजी महाराज चौक, मराठा गल्ली,पांचपीर चौक, मुलतान गल्ली, किल्ला गेट, क्रांती चौक, चावडी चौक मार्गे शहर भाजप कार्यालया पर्यंत काढण्यात आली. भाजप कार्यालयापर्यंत रॅली आल्यानंतर याठिकाणी रॅलीचे विसर्जन करण्यात आले होते.
यानंतर भाजप कार्यालयात “युवा संवाद“हा कार्यक्रम पार पडला.यावेळी भाजयुमोच्या राज्यपातळीवरील पदाधिकाऱ्यांनी युवकांशी विविध विषयांवर संवाद साधला.गेल्या अडीच वर्षात महायुती सरकारच्या काळात नळदुर्ग शहराच्या विकासासाठी आमदार राणाजगजितसिंह पाटील यांनी कोट्यावधी रुपयांचा निधी आणला आहे. आमदार राणा जगजितसिंह पाटील यांनी केलेल्या प्रमुख विकासकांमामध्ये नळदुर्ग शहर पाणीपुरवठा योजनेचे काम,श्री बसवश्रुष्टी, राज्याचे माजी मुख्यमंत्री कै. वसंतराव नाईक यांचे स्मारक,मराठवाडा मुक्ती संग्राम स्मारक यासह विविध विकास कामांचा समावेश आहे. हाच विकासाचा वेग कायम ठेवण्यासाठी पुन्हा नळदुर्गकरांनी आमदार राणाजगजितसिंह पाटील यांच्या पाठीशी उभे राहावे असे आवाहन करण्यात आले.
यावेळी कार्यक्रमाचे प्रास्ताविक भाजयुमोचे तालुका सरचिटणीस श्रमिक पोतदार यांनी केले तर आभार भीमाशंकर बताले यांनी मानले. या कार्यक्रमास भाजयुमोचे राष्ट्रीय कार्यकारीणी सदस्य शुभमसिंग, देवांश शहा, दत्त प्रसाद, भाजयुमोचे प्रदेश उपाध्यक्ष अरुण पाठक, भाजयुमोचे जिल्हाध्यक्ष राजसिंह निंबाळकर,जिल्हा उपाध्यक्ष दयानंद मुंडके, माजी नगरध्यक्ष उदाय जगदाळे, भाजयुमोचे तालुका सरचिटणीस श्रमिक पोतदार, भाजयुमोचे तालुका अध्यक्ष आनंद कंदले,भाजयुमोचे नळदुर्ग शहर अध्यक्ष गणेश मोरडे,नळदुर्ग शहर भाजपचे अध्यक्ष धीमाजी घुगे, पद्माकर घोडके, रीयाज शेख, मुदस्सर शेख, संजय विठ्ठल जाधव, विजय ठाकुर, सागर हजारे, आकाश कुलकर्णी, विशाल डुकरे, उमेश नाईक, ओम बागल, अक्षय हजारे, अमोल डुकरे, प्रविण चव्हाण, अजय दसकर, राम जाधव, विरेंद्र बेडगे, योगेश पवार, राहुल दासकर, स्वप्नील गव्हाणे, रवी ठाकुर प्रविण कोकणे, शिरीष डुकरे, शिवाजी सुरवसे, अजय ठाकुर, किरण दुस्सा, राहुल जाधव, शाम पवार, सुयश पुराणिक, अमर बनसोडे,रोहीत डुकरे, विकी डुकरे यांच्यासह युवक मोठ्या संख्येने उपस्थित होते.