धाराशिव (प्रतिनिधी)- गांज्याची अवैध विक्रीसाठी लागवड व जोपासना करणाऱ्या विरुध्द कार्यवाही कळंब पोलिसांनी केली आहे.
याबाबत अधिक माहिती अशी की, पोलीस ठाणे कळंबचे पोलीस निरीक्षक सानप व त्यांचे पथकास बातमी मिळाली की, डोळा पिंपळगाव शिवारातील शेत गट नं 105 येथे एक इसमाने त्याचे शेतात गांजा सदृश्य झाडांची लागवड करुन जोपासणा करीत आहे. पथकाने छापा टाकाला असता त्याचे वडीलाचे शेतात गांज्या या अंमली वनस्पतीची अवैध विक्री करण्याचे उद्देशाने झाडे लावून त्यांची जोपासणा करीत असताना पथकास मिळून आला. यावर पथकाने सदर ठिकाणीहून 6.108 किलो ग्रॅम वजनाचा एकुण 1 लाख 22 हजार 160 किंमतीचा गांजा जप्त करुन अमर टेकाळे यांचे विरुध्द गुंगीकारक औषधीद्रव्य आणि मनोव्यापारावर परिणाम करणारे पदार्थ अधिनियम 1985 कलम 8 (क), 20 (क) अन्वये कळंब पोलीस ठाण्यात गुन्हा नोंदवला आहे.
सदर कामगिरी ही पोलीस अधीक्षक संजय जाधव, अपर पोलीस अधीक्षक गौहर हसन यांचे मार्गदर्शनाखाली कळंब पोलीस ठाण्याचे प्रभारी पोलीस निरीक्षक सानप, मसपोनि पुंडगे, सपोनि मगर, पोलीस ठाणे कळंब येथील अंमलदार यांचे पथकाने केली.