तुळजापूर (प्रतिनिधी)- शारदीय नवरात्र महोत्सवात आज 10 ऑक्टोबर रोजी गुरुवारी आठव्या माळेच्या दिवशी श्री तुळजाभवानी देवीजींची भवानी तलवार अलंकार महापूजा मांडण्यात आली.
श्री तुळजाभवानी देवीजींच्या आज नित्योपचार पुजा आणि अभिषेक पूजेनंतर भवानी तलवार अलंकार महापूजा मांडण्यात आली.श्री छत्रपती शिवाजी महाराज यांना धर्म रक्षणासाठी श्री तुळजाभवानी मातेने प्रसन्न होऊन आपल्या हाताने भवानी तलवार देऊन आर्शीर्वाद दिला म्हणून या दिवशी देवीला महाअलंकार घालण्यात येऊन छत्रपती भवानी तलवार देत आहे,ही अवतार पूजा मांडण्यात येते.दरम्यान,काल 9 ऑक्टोबर रात्री श्री देवीजींची छबिना मिरवणूक गरुड वाहनावरुन काढण्यात आली.
दि. 11 ऑक्टोबर रोजी श्रीतुळजाभवानी देवीजींची महिषासूर मर्दिनी अलंकार महापूजा मांडण्यात येणार आहे. तसेच सकाळी 7 वाजता होम व हवनास आरंभ, दुपारी 12.15 वाजता पुर्णाहुती देण्यात येणार आहे.